Charter Document - 05790002
| Charter Number: | 05790002 |
|---|---|
| Cartulary Title: | Charters of St. Bartholomew's Priory, Sudbury |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1189 - 1190 |
| Date type: | Assigned |
| Resource Link(s): |
|
Charter:
Notum sit uniuersis sancte matris ecclesie filiis qui has literas uiderint uel audierint quod ego Iohannes filius Benedicti concessi et hac mea presenti carta confirmaui caritatis intuitu deo et sancto Bartholomeo de Suberia et monachis ibidem deo seruientibus consenciente et uolente fratre meo Willelmo quandam porciunculam terre iacentem inter Hiopemere et nemus comitis pro redemptione anime mee et patris et matris mee et omnium parentum meorum que continet acram et fere dimidiam in perpetuam elemosinam libere et quiete tenendam absque omni calumnia reddendo annuatim unum denarium pro omni seruicio die sancti Bartholomei et pro consilio et manutenencia fratrum predicti loci et hoc factum est primo anno regni Ricardi regis Radulfo de Mullent existente preposito et Roberto de Clara et Martino monachis tunc temporis ibi deo seruientibus His testibus Willelmo de Goldinggeham Nicholao Carbonel Gileberto de Middeltunia Roberto clerico de Middeltunia et Willelmo filio Benedicti et Roberto de Munteburgh Nicholao de Braia
Source (click image below to view full size)
