Charter Document - 05790001
| Charter Number: | 05790001 |
|---|---|
| Cartulary Title: | Charters of St. Bartholomew's Priory, Sudbury |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1114 - 1116 |
| Date type: | Assigned |
| Resource Link(s): |
|
Charter:
Henricus rex Anglie Herberto episcopo Norwic et Haymoni dapifero et burgensibus de Suthberi omnibusque ministris suis et fidelibus Francis et Anglis de Suthfolk salutem Sciatis me concessisse deo et sancto Petro et monachis Westm[onesterii] pro redemptione anime mee ecclesiam sancti Bartholomei de Suthberia quam Wlfricus monetarius meus ad usum monachorum inibi servientium eis dederat pro fraternitate et monachatu suo quem ibidem susceperat Unde uolo et firmiter precipio ut bene et quiete et honorifice et libere et absque omni calumpnia et inquietudine cum terris et decimis cum saca et soca et toll et theam et latrone et cum omnibus rebus et consuetudinibus et legibus verum etiam nunc melius et plenius et liberius quam ullo antea tempore habuerant deinceps teneant eam sicut dirationatum fuit in curia mea coram baronibus meis Iccirco defendo et prohibeo super x libras foris facture ne aliquis eis ulla unquam occasione iniuriam seu torturam faciat neque eos in aliquo aliquando molestare siue disturbare presumat Et si quis amodo fidelis pro salute anime sue aut in terris aut in decimis uel in elemosinis siue quocumque alio beneficio eis subuenire uoluerit hec omnimoda beniuolentia et libertate concedo Testibus R[adulfo] archiepiscopo R[icardo] episcopo London Rogero episcopo Sar R[anulfo] Canc[ellario] Nigillo de Alb[ini] et aliis multis apud Westm
Source (click image below to view full size)
