Charter Document - 05781030

Hec est ordinacio facta inter fratrem Johannem Priorem et procuratorem fratres et sorores domus conventualis de Maydenbradley ex una parte et Henricum de Gaunt tunc magistrum Elemosinarie Sancti Marci de Billeswyk in suburbio Bristoll et eiusdem loci fratres capellanos et clericos ex altera videlicet quod iidem magister capellani clerici et omnes successores sui de cetero in regulari professione et tam in habitu quam in victu et constitucionibus supradicte domus de Maydenbradley usitatis et approbatis sacerdotibus et fratribus eiusdem domus conformabunt praeter quam in signo exteriori quod in superiori indumento iidem fratres ante presentem ordinacionem portaverunt et praeter cohabitacionem mulierorum que sorores appellantur quas a prima fundacione sua dicta domus de Maydenbradley dudum admisit quibus per ordinacionem presentem nullatenus renunciare curavit licet dicta domus Sancti Marci talem cohabitacionem admittere recusaverit Item non obstanti ordinacione presenti fratres eiusdem domus Sancti Marci protestati sunt expresse se velle uti consuetudinibus et ordinali Sarr in obsequiis divinis sicut antea usi sit Adhec autem prior et procurator de Maydenbradley qui pro tempore fuerit eiusdem loci fratres et sacerdotes suos unum vel duos vel tantum numera tres inhabitu existentes ad supradictam domum Sancti Marci pro sue voluntatis arbitrio destinabit ibidem moram facturos quousque eos duxerit revocandum et nullominus plures ibi ad prehendinandum recipiantur antequam alii premissi domi revocentur et dum ibi perhendinaverunt signum in superiori habitu deponant et hoc idem magistro domus Sancti Marci de fratribus suis in habitu existentibus licebit dicte domui de Maydenbrad ut prenominatum est quociens sibi visum fuerit expedire et dum ibi fuerint prehendinantes in superiori habitu signum domus assumant ut per mutacionem talem hinc inde quandoque tedium auferatur et disciplina regularis convalescat Insuper dicta domus de Maydenbradlegh a fratribus domus Sancti Marci occasione huiusmodi ordinacionis vel econverso eadem domus Sancti Marci a fratribus predicti domus de Mayden subieccionem aliquam nequaquam sibi poterit vendicare set una paritas et concors fraternitatis zelo caritatis informata ipsos simul in melius proficere faciat et religionem ampliare ut autem ea que premissa sunt fideliter teneantur et perpetue robur firmitatis optineatur predicte partes et successores inspectis sacrosanctis Evangeliis iuramento se astringere et nichilominus huic scripto inter se in modum cirographi diviso sigilla alternatim apposuerunt Hiis testibus dominis Roberto de Gournay Johanne de Saudmari Ada de Haston Willelmo de Veym Philippo Basseth Galfrido de Nevile Laurencio de Samford Johanne de Plessete Johanne de Ripariis et multis aliis Hanc igitur ordinacionem duraturam imperpetuum ad honorem dei et religionis augmentum salvo michi et heredibus meis pleno et integro jure patronatus supradicte elemosinarie Sancti Marci pro me et heredibus meis ratam habui approbavi et confirmavi imperpetuum et in huius rei testimonium huic scripto sigillum meum apposui hiis testibus domino Ada de Aston milite magistro Radulfo Rectore ecclesie de Beverston magistro Petro de Kerdyff Simone Clerico tunc maiore Bristoll Henrico Adrian et Martino de Cordar tunc ballivis Bristoll Willelmo de Bellomonte Willelmo le Veym et aliis