Charter Document - 05780237
| Charter Number: | 05780237 |
|---|---|
| Cartulary Title: | The Cartulary of St. Marks Hospital, Bristol |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1154 - 1171 |
| Date type: | Assigned |
| Resource Link(s): |
|
Charter:
Sciant presentes et futuri quod ego Hugo de Bonevill divine pietatis intuitu dedi et concessi deo et ecclesie beati Petri de Uverstaiveia tres acras terre in Uverstaiveia in puram et perpetuam et liberam elemosinam pro salute anime mee et predecessorum et successorum meorum scilicet duas acras quas Kalebattre tenuit iacentes in orientali parte culture ad eandem ecclesiam pertinentis in cuius parte occidentali sedet cast ellarium cum toto prato quod iacet iuxta easdem acras in longitudine earum in aquilonarii parte Rivuli de fonte Sancti Petri versus orientem descendentis et unam acram iacentem inter terras eiusdem ecclesie scilicet in australi parte unius quam Frewarre tenuit et preterea septem acras terre quas Palmarius tenuit que iacent in occidentali parte domorum ecclesie et castellarii inter terram ecclesie antiquitus adiacentem et Regalem viam protendentem versus Shortdich Quare volo quod predicta Ecclesia prenominatas terras habeat et teneat liberas et quietas ab omni exaccione seculari integre et pacifice cum omnibus libertatibus et liberis consuetudinibus dignitati et ordini ecclesiastico pertinentibus Et ut hec donacio et concessio mea rata et inconcussa inposterum perseveret apposicione sigilli mei et testium subscriptorum presentem cartam corroboravi Hiis testibus Ricardo Priore de Stock Magistro Ricardo de Feny tunc vicearchidiaconi Magistro Willelmo de Spakeston Gocelino de Chedesia Waltero de Craucumba tunc decano Roberto persona de Wllainton Domina Matilde de Chand Henrico de Columbariis Hugone Trevett Willelmo de Pleineresfelde Johanne de Wllaimiton et multis aliis
Source (click image below to view full size)
