Charter Document - 05780236
| Charter Number: | 05780236 |
|---|---|
| Cartulary Title: | The Cartulary of St. Marks Hospital, Bristol |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1154 - 1171 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos carta ista pervenerit Hugo de Bona villa salutem Noveritis me pro amore dei et pro salute anime mee et animarum omnium antecessorum et successorum meorum pure libere et spontanee concessisse et dedisse deo et beato Petro Apostolo et ecclesie de Superiori Staweie in puram et perpetuam elemosinam ab omni seculari servicio et demanda liberam et quietam totum boscum meum et terram et pasturam meam a Staweye harpet iuxta vetus Castellarium per viam que tendit ad Swilmoresheved et per Thieuen Weye usque ad crucem que est iuxta Solmereslake et inde usque ad Solmereshaved et inde usque ad crucem que est iuxta Trogh Stokke et inde per Staweie harpet usque ad predictam viam iuxta predictum vetus Castellarium Et ut hec concessio et donacio mea deo et beato Petro et predicte ecclesie stabilis et firma sit inperpetuum eam presenti carta et sigillo meo pro me et pro omnibus heredibus et successoribus meis duxi confirmandam Nunquam contra hoc per me nec per alium aliquid dicturus nec facturus et hec semper sic observanda iuramento corporaliter pro me et pro omnibus heredibus et successoribus meis propria voluntate prestito tactis sacrosanctis evangeliis sub periculo animarum nostrarum solempniter et publice iuravi Acta sunt hec multis presentibus ad hoc videndum et audiendum rogatis
Source (click image below to view full size)
