Charter Document - 05780235

Omnibus Christi fidelibus ad quos presens carta pervenerit Hugo de Bona Willa salutem Noveritis quod Ricardus presbiter et Herebert presbiter et Robertus archidiaconus quondam persone Ecclesie de Superiori Staweye et omnes alii quicumque fuerunt persone vel vicarii sive presbiteri eiusdem ecclesie tempore Radulfi de Bona villa avi mei et tempore Hamonis de Bona villa patris mei et pluribus annis tempore meo et ipsi et omnes sui habuerunt toto tempore suo in bosco et pastura per totum feodum meum ubicunque voluerunt per totum annum totam pecuniam suam in bobus vaccis ovibus capris porcis et toto alterius modi instauro quietam et liberam ab omni herbagio et pannagio et omni seculari servicio per libertatem et dignitatem illius ecclesie Habebant eciam omnes idem sine difficultate et impedimento et dilacione per illam eandem libertatem quando et ubi in boscis de feodo meo eis placuit ad husbote et heybote et virbote et ad omnia negocia quantum volebant et opus habebant hoc tamen domino bosci vel feodi si presens esset sive wodewardo suo prius ostenso Quia igitur predictam libertatem et dignitatem iam per aliquot annos propria voluntate et aliquando urgente necessitate mea contra salutem anime mee inde minivi et impedivi ego ad cor modo rediens et veniam postulans de delicto eandem libertatem et dignitatem ita plenariam et integram sicut supradictum est Deo et beato Petro Apostolo et predicte ecclesie pro salute anime mee et animarum omnium antecessorum et successorum meorum per hanc cartam sigillo meo signatam restituo et pro me et omnibus heredibus et successoribus et hominibus meis confirmo Contra hoc per me nec per alium nunquam aliquid dicturus nec facturus et hec sic semper observandum iuramento corporaliter prestito pro me et omnibus heredibus et successoribus et hominibus meis solempniter et publice in periculum animarum nostrarum propria voluntate iuravi Acta sunt hec multis presentibus ad hoc videndum et audiendum rogatis