Charter Document - 05770020
| Charter Number: | 05770020 |
|---|---|
| Cartulary Title: | Bristol Charters 1155 - 1373 |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1321 |
| Date type: | Internal, Calendar |
| Resource Link(s): |
|
Charter:
Rex dilectis sibi Maiori Balliuis et probis hominibus ville sue Bristollie salutem Sciatis quod in auxilium muri predicte ville reparandi et emendandi concessimus vobis quod a die confeccionis presencium vsque ad finem quinque annorum proximo sequencium completorum capiatis de rebus venalibus venientibus ad eandem villam consuetudines subscriptas videlicet de qualibet summa bladi venali vnum quadrantem De qualibet carecta bladi venali vnum obolum De quolibet dolio vini venali duos denarios De quolibet equo et equa boue et vacca venali vnum obolum De quolibet corio equi et eque bouis et vacce frisco salito aut tannato venali vnum quadrantem De qualibet carecta ferente carnes salitas vel friscas venales vnum denarium obolum De quinque baconibus venalibus vnum obolum De quolibet salmone frisco vel salito venali vnum quadrantem De qualibet Lampreda venali ante pascha vnum quadrantem De decem ouibus capris vel porcis venalibus vnum denarium De decem velleribus venalibus vnum obolum De qualibet centena pellium ouium lanutarum caprarum ceruorum bissarum damorum et damarum venali vnum obolum De qualibet centena pellium agnorum capriolorum leporum cuniculorum vulpium catorum et squirellorum venali vnum obolum De quolibet summagio pannorum venali vnum obolum De quolibet panno integro venali vnum obolum De qualibet centena linee tele caneuacij pannorum hibernie Galewych et worstede vnum denarium De quolibet panno de serico cum auro de samite diapre et Baudekyn vnum obolum De quolibet panno de serico sine auro et chief de sendallo afforciato vnum quadrantem De qualibet naue veniente ad eandem villam carcata rebus venalibus tres denarios De quolibet dolio Cinerum vnum denarium obolum De quolibet summagio cinerum venali vnum obolum De qualibet carecta mellis venali vnum denarium De quolibet sacco lane venali duos denarios De quolibet trussello pannorum venali ducto per carectam duos denarios De qualibet summagio panni venali vel aliarum rerum et diuersarum minutarum venalium veniencium ad eandem villam vnum obolum De qualibet carecta ferri venali vnum denarium De quolibet summagio ferri venali vnum obolum De qualibet carecta plumbi venali vnum denarium De qualibet carecta tanni venali per ebdomadam vnum quadrantem De auerio de pondere scilicet de centena vnum denarium de peisa cepi et vncti venali vnum denarium De quolibet quarterio waide venali duos denarios De qualibet centena de Alum Coperose Argayl et vertegrece venali vnum obolum De duobus Miliaribus ceparum venalibus vnum quadrantem De octo shauis alei vnum quadrantem De quolibet Milliari allecis venali vnum quadrantem De qualibet centena piscis Marini venali vnum denarium De quolibet summagio piscis marini venali vnum obolum De qualibet centena bordi venali vnum obolum De qualibet mola venali vnum obolum De quolibet Miliari fagoctorum venali vnum denarium De decem Milliaribus turbarum venalibus vnum quadrantem De quolibet quarterio salis venali vnum quadrantem De qualibet peisa casei et buturi venali vnum obolum De qualibet carecca busce et carbonum venali per ebdomadam obolum De quolibet Miliari clauorum venali vnum quadrantem De qualibet centena ferrorum ad equos et clutorum ad carectas venali vnum quadrantem De quolibet quarterio tanni venali vnum quadrantem De quolibet trussello cuiuscumque mercimonij venali veniente ad predictam villam et excedente valorem quinque solidorum vnum quadrantem De qualibet centena scanni eris et cupri venali duos denarios De qualibet centena gaddorum aceris venali vnum obolum De qualibet carecta de Aberden venali vnum denarium De qualibet centena de Stockfissh venali vnum quadrantem De decem petris canabi venalibus vnum quadrantem De decem lagenis olei venalibus vnum obolum et de aliis quibuscumque rebus venalibus ad dictam villam venientibus valoris quinque solidorum vnum quadrantem Et ideo vobis mandamus quod dictas consuetudines vsque ad finem dictorum quinque annorum plenarie completorum capiatis Ita tamen quod de rebus seu mercimoniis de quibus custumas aliquas in auxilium kaye ville predicte reparande iuxta concessionem nostram vobis inde factam receperitis durante concessione ilia muragium minime capiatis Completo autem termino dictorum quinque annorum dicte Consuetudines penitus cessent et deleantur In cuius [] per predictos quinque annos duraturas Teste Rege apud Bristollum xxij die Aprilis per breue de priuato sigillo
Source (click image below to view full size)
