Charter Document - 05770019
| Charter Number: | 05770019 |
|---|---|
| Cartulary Title: | Bristol Charters 1155 - 1373 |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1321 |
| Date type: | Internal, Calendar |
| Resource Link(s): |
|
Charter:
Rex dilectis sibi Maiori Balliuis et probis hominibus ville sue Bristollie salutem Sciatis quod in auxilium kaie ville predicte reparande et sustentande concessimus vobis quod a die confeccionis presencium vsque ad finem quinque annorum proximo sequencium completorum capiatis de rebus venalibus ad eandem villam per aquam venientibus consuetudines subscriptas Videlicet de quolibet quarterio frumenti venali vnum obolum de quolibet quarterio alterius generis bladi vnum quadrantem de quolibet dolio vini venali duos denarios de quolibet equo equa boue et vacca venali vnum obolum de quolibet corio equi eque bouis et vacce frisco salito aut tannato venali vnum quadrantem de quinque baconibus venalibus vnum obolum de quolibet carcasio bouis vel vacce salito vnum quadrantem de quolibet salmone frisco vel salito venali vnum quadrantem de qualibet lampreda venali ante Pascha vnum quadrantem de decem ouibus capris vel porcis venalibus vnum denarium de decem velleribus venalibus vnum obolum de qualibet Centena pellium ouium lanutarum caprarum ceruorum bissarum damorum venali vnum obolum de singulis quadraginta solidatis maheremij vnum obolum de singulis decem solidatis busce et carbonum vnum quadrantem de qualibet centena pellium agnorum Capriolorum leporum cuniculorum vulpium catorum et squirellorum venali vnum obolum de quolibet summagio pannorum venali vnum obolum de quolibet panno integro venali vnum obolum de qualibet centena linee tele caneuacii pannorum hibernie Galeweych et wortstede vnum denarium de quolibet panno de serico cum auro de samito diapre et baudekyn vnum obolum de quolibet panno de serico sine auro et chief de Cendallo afforciato vnum quadrantem de qualibet naui veniente ad eandem villam carcata de rebus venalibus tres denarios de quolibet batello veniente ad dictam villam carcata de rebus venalibus vnum denarium et obolum de quolibet alneo veniente ad eandem villam carcata rebus venalibus vnum denarium et obolum de quolibet dolio cinerum venali vnum denarium et obolum de quolibet summagio cinerum venali vnum obolum de quolibet dolio mellis quatuor denarios de quolibet sacco lane venali duos denarios de quolibet trussello pannorum venali ducto per aquam duos denarios de quolibet summagio panni venali vel aliarum rerum diuersarum et minutarum venalium veniencium ad eandem villam vnum obolum de qualibet centena ferri venali vnum denarium de quolibet summagio ferri venali vnum obolum de auerio de pondere scilicet de centena vnum denarium de peisa cepi et vncti venali vnum denarium de quolibet quarterio waide venali duos denarios de qualibet centena de Alum coperose Argail et vertegrece venali vnum obolum de duobus miliaribus ceparum venalibus vnum quadrantem de octo shauis allei venalibus vnum quadrantem de quolibet miliari allecis venali vnum quadrantem de singulis viginti solidatis piscis marini venalis vnum denarium de qualibet centena bordi venali vnum obolum de qualibet mola venali vnum obolum de quolibet quarterio salis venali vnum quadrantem de qualibet centena ferrorum ad equos et clutorum ad carrectas venali vnum quadrantem de quolibet quarterio tanni venali vnum quadrantem de qualibet centena stanni eris et cupri venali duos denarios de qualibet centena gaddorum aceris venali vnum obolum de qualibet centena de stokfissh venali vnum quadrantem de decem petris canabi venalibus vnum quadrantem de decem lagenis olei venalibus vnum obolum et de quibuscumque rebus aliis venalibus ad dictam villam per aquam venientibus valoris quinque solidorum vnum quadrantem Et ideo vobis mandamus quod dictas consuetudines vsque ad finem dictorum quinque annorum plenarie completorum capiatis Ita tamen quod de rebus seu mercimoniis de quibus custumas aliquas in auxilium muri ville predicte reparandi et emendandi iuxta concessionem nostram vobis inde factam receperitis durante concessione ilia kaiagium minime capiatis completo autem termino dictorum quinque annorum dicte consuetudines penitus cessent et deleantur In cuius [] per predictos quinque annos duraturas Teste Rege apud Bristollum xxij die Aprilis per breue de priuato sigillo
Source (click image below to view full size)
