Charter Document - 05770016

Rex Maiori Balliuis et toti communitati ville sue Bristollie salutem Cum tricesimo die Semptembris proximo preterito commisserimus dilecto et fideli nostro Bartholomeo de Badelesmere Castrum nostrum Bristollie et villam predictam et Bertonam ibidem cum pertinenciis custodiendos quamdiu nobis placuerit prout in litteris nostris patentibus eidem Bartholomeo inde confectis plenius continetur et mandauerimus vobis prefate Maior et Balliui ac probis Hominibus dicte ville quod eidem Bartholomeo vel eius attornato in hac parte litteras nostras defferenti tanquam Constabulario nostro Castri predicti et Custodi ville et Bertone predictarum in omnibus que ad custodiam eorundem pertinent intendentes essetis et respondentes ac iam intellexerimus quod vos pro eo quod in mandato nostro predicto vobis prefati Maior et Balliui ac probis hominibus euisdem ville directo de communitate dicte ville mencio non fiebat attornato dicti Bartholomei vobis dictum mandatum nostrum deferenti loco ipsius Bartholomei parere et intendere penitus recusastis pretendentes vos custodiam dictarum ville et Bertone pretextu cuiusdam mandati nostri vobis de eisdem villa et Bertona saluo et secure custodiendis quousque nos de custodia earundem de consilio nostro aliter ordinassemus nuper directi habere debere et quod alteri eo pretextu intendere nullatenus debeatis Nos huiusmodi excusaciones seu defensiones friuolas et in nostri ac mandatorum nostrorum predictorum contemptum factas non inmerito reputantes vobis mandamus firmiter iniungentes quod non obstantibus aliquibus mandatis nostris vobis de dictis villa et Bertona saluo et secure ad opus nostrum custodiendis directis seu quibuscumque aliis excusacionibus in hac parte prefato Bartholomeo vel eius attornato has litteras deferenti tanquam Constabulario nostro dicti Castri et Custodi dictarum ville et Bertone in omnibus que ad custodiam eorundem Castri ville et Bertone pertinent ac eciam de omnibus et singulis proficuis et exitibus per vos aut aliquem vestrum de dictis villa et Bertona post pre dictum tricesimam diem Septembris qualitercumque preceptis plenarie sitis intendentes et respondentes Ita quod idem Bartholomeus nobis inde ad plenum respondere valeat vt debebit Et de custodia dictarum ville et Bertone decetero vos nullatenus intromittatis Sciantes pro certo quod si secus attemptare presumpseritis in premissis ad vos et quemlibet vestrum tanquam ad nostri et mandatorum nostrorum contemptores seu contemptorem vt ius exigit non inmerito capiemus Teste Rege apud wyndesore Secundo die Nouembris