Charter Document - 05770013
| Charter Number: | 05770013 |
|---|---|
| Cartulary Title: | Bristol Charters 1155 - 1373 |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1256 |
| Date type: | Internal, Regnal |
| Resource Link(s): |
|
Charter:
Henricus dei gracia Rex Anglie Dominus Hibernie Dux Normannie Aquitanie et Comes Andegauie Archiepiscopis Episcopis Abbatibus Prioribus Comitibus Baronibus Iusticiariis vicecomitibus prepositis Ministris et omnibus Balliuis et fidelibus suis salutem Sciatis nos concessisse et hac carta nostra confirmasse pro nobis et heredibus nostris Burgensibus de Bristollo quod ipsi et eorum heredes Burgenses eiusdem uille de se ipsis eligere possint et creare Coronatores in predicta villa ad attachiamenta placitorum corone nostre infra predictam villam et libertatem eiusdem uille emergencium facienda et respondeant coram Iusticiariis nostris itinerantibus in partibus illis de attachiamentis per ipsos factis et aliis ad officium coronatoris pertinentibus sicut alii Coronatores nostri respondere debent et solent Et quod dicti Burgenses pro transgressione seu forisfactura seruientum suorum catalla et bona sua in manibus ipsorum inuenta aut alicubi locorum per ipsos seruientes deposita quatenus sua esse sufficienter probare poterunt non amittant Et eciam si dicti Burgenses aut eorum aliqui infra terram et potestatem nostram testati decesserint uel intestati nos uel heredes nostri bona ipsorum confiscari non faciemus quin eorum heredes integre ipsa habeant quatenus dicta catalla dictorum defunctorum fuisse constiterit dum tamen de dictis heredibus noticia aut fides sufficienter habeatur Et quod iidem Burgenses per totam terram et potestatem nostram habeant et teneant omnes libertates et liberas consuetudines suas hucusque optentas et vsitatas adeo quiete et integre sicut Ciues London[ie] uel alii de regno et potestate nostra libertates suas melius et liberius habent et tenent Concessimus eciam eisdem Burgensibus quod si aliquibus articulis in carta nostra eisdem Burgensibus de libertatibus prius concessa contentis minus plene vsi fuerint eisdem decetero eo non obstante libere et sine impedimento alicuius vtantur prout iidem articuli in eadem carta racionabiliter continentur Quare volumus et firmiter precipimus pro nobis et heredibus nostris quod predicti Burgenses et eorum heredes imperpetuum habeant omnes libertates prescriptas et eisdem decetero libere et sine impedimento alicuius vtantur imperpetuum sicut predictum est Et prohibemus super forisfacturam nostram viginti librarum ne quis eos contra hanc libertatem et concessionem nostram molestare vel inquietare presumat Hiis testibus Guidone de Lezinnan Galfrido de Lezinnan et willelmo de valencia fratribus nostris Iohanne de Plesset[o] Comite warwyk Rogero de Thurkelby Roberto waleraund walkelino de Ardern Nicholao de sancto Mauro Radulpho de Bakep[uz] Bartholomeo le Bigod willelmo de sancto Ermino willelmo Gernun et aliis Data per manum nostram apud Gloucestriam vicesmo quarto die Iulij anno regni nostri quadragesimo
Source (click image below to view full size)
