Charter Document - 05750181
| Charter Number: | 05750181 |
|---|---|
| Cartulary Title: | Pedes Finium [Kent] |
| Charter Language: | Latin |
| Charter Origin: | Royal |
| Charter Type(s): | Final Concord |
| Date: | 1209 - 1210 |
| Date type: | Internal, Regnal, Feast |
| Resource Link(s): |
|
Charter:
Hec est finalis concordia facta in curia domini Regis Apud Wilton in octabis Sancti Hillarii anno regni Regis Johannis undecimo Coram ipso domino Rege Simone de Pateshill Jacobo de Poterna Henrico de Ponte Aldemeri Justiciariis [] Inter Stephanum Harengod petentem et Robertum Wastechar tenentem De medietate unius sullinge terre et de tercia parte dimidie virgate terre cum pertinentiis in Marisco de Rumenal Unde placitum fuit inter eos in prefata Curia scilicet quod predictus Robertus recognovit totam predictam terram cum pertinentiis esse jus ipsius Stephani Et pro hac recognicione et fine et concordia predictus Stephanos concessit predicto Roberto et Mabilie uxori sue et heredibus eorum quos de ipsa Mabilia genuerit totam predictam terram cum pertinentiis tenendam de ipso Stephano et heredibus suis per liberum servicium duorum solidorum per annum reddendorum ad duos terminos anni scilicet medietatem ad Pascha et medietatem ad festum Sancti Michaelis pro omni servicio et exaccione Et si forte contigerit quod idem Robertus de ipsa Mabilia heredem non habuerit uter eorum qui alii supervixerit tenebit totam predictam terram cum pertinentiis tota vita sua per predictum servicium Et post decessum ipsorum Roberti et Mabilie tota predicta terra cum pertinentiis revertetur ad ipsum Stephanum et ad heredes suos quieta in perpetuum
Source (click image below to view full size)
