Charter Document - 05700015

Robertus Dei gracia Rex Scottorum justiciariis vicecomitibus prepositis et eorum ballivis ceterisque fidelibus suis ad quos presentes littere pervenerint salutem Cum perniciosum esset exemplum et dissonum rationi malum pro bono reddere imo pocius laudabile sit gratitudinis preconium bene meritis graciam facere et favorem recompensacione condigna nos corditer attendentes ut tenemur incarcerationes et vincula persecutiones et tedia que venerabilis pater Dominus Robertus Dei gracia episcopus Glasguensis pro juribus ecclesie et regni nostri Scotie hactenus constanter sustinuit et adhuc sustinet patienter eidem domino episcopo ecclesias suas terras res redditus et possessiones universas ac bona sua omnia tenore presentium libere concedimus ac quiete Quare vobis precipimus firmiter et mandamus quatenus Domino Bernardo cancellario nostro et Magistro Stephano de Donydour canonico ecclesie Glasguensi et camerario nostro vicariis et locum tenentibus domini episcopi supradicti vel eorum alteri seu quibuscumque aliis uni vel pluribus per ipsos seu per eorum alterum substitutis vel substituto ecclesias terras res redditus et possessiones universas et bona omnia dicti domini episcopi pervos seu per quoscumque alios infra ballias vestras hactenus occupata visis litteris liberari faciatis indilate firmiter inhibentes ne quis vicarius dicti domini episcopi supradictos aut ordinarios alios dicti episcopatus vel ballivos per ipsos vel eorum alterum nomine dicti domini episcopi substitutes vel substituendos de cetero perturbare presumat quin profectum dicti domini episcopi libere possint facere de premissis et per totum episcopatum Glasguensem jurisdictionem ordinariam libere valeant exercere super nostram plenariam forisfacturam Testibus Gilberto de Haya Vmfredo de Culchone militibus et Jacobo domino de Duglas Apud Abirbrothoc vicesimo sexto die Aprilis anno regni nostri quarto