Charter Document - 05700014

Omnibus hoc scriptum visuris vel audituris Oliverus et Ricardus Smalhy prepositi et ceteri prepositi ac cives Glasguensis congregati in placitis Burgi que tenebantur apud Glasgu die Martis in crastino festi Exaltationis Sancte Crucis anno gratie mcclxxxxiij salutem in Domino Noveritis Odardum filium quondam Ricardi Hangpudyng pro salute anime sue predecessorum et successorum suorum ac ceterorum Christi fidelium dedisse concessisse et presenti scripto confirmasse luminari Sancte Marie in majori ecclesia Glasguensi medietatem septem perticarum terre versus orientem sicut jacent in longum et latum in croftis extra villam versus occidentem inter terram luminaris beate Marie in capella inferius in villa ex parte occidentali et terram Christiane quondam sponse Symonis de Govan ex parte orientali et saysinam ejusdem medietatis terre domino Johanni de Botheuyl vicario chori Glasguensis tunc procuratori dicti luminaris per intol et vttol super solum ut moris est tradidisse quam terram prefatus Odardus et heredes sui dicto luminari Sante Marie contra omnes homines et feminas inperpetuum warantizabunt Et quoniam predicta donatio cum saysine traditione [facta] fuit alias coram me Olivero tunc preposito et presentibus duodecim civibus ac Rogero filio Philippi et Johanne Dubberville servientibus die Martis proximo post festum decollacionis Sancti Johannis Baptiste anno prenotato secundum consuetudinem civitatis nostre sigillum communitatis nostre in testimonium hujus facti in dictis placitis huic scripto fecimus apponi et ad majorem rei geste securitatem sigillum officialitatis Glasguensis eidem est appensum