Charter Document - 05700013
| Charter Number: | 05700013 |
|---|---|
| Cartulary Title: | Charters and Documents Relating to the City of Glasgow, 1175-1649, Part 2 |
| Charter Language: | Latin |
| Charter Origin: | Religious |
| Charter Type(s): | Transfer |
| Date: | 1280 - 1290 |
| Date type: | Assigned |
| Resource Link(s): |
People of Medieval Scotland British History Online |
Charter:
Omnibus Christi fidelibus presentibus et futuris presens scriptum visuris vel audituris Robertus de Mithyngby salutem in Domino Noverit universitas vestra me maxima et summa egestate ac necessitate compulsum de consensu et voluntate Agnetis filie mee et heredis et Walteri fratris mei in curia Glasgu existentium et expresse consentientium vendidisse concessisse et hac presenti carta mea confirmasse pro paupertatis mee levamine per testimonium virorum fide dignorum et sufficientium Magistro Reginaldo de Irewyn Archidiacono Glasguensi totam terram meam quam habui in villa de Glasgu sine aliquo retenimento cum omnibus pertinenciis suis sicut jacet in longum et in latum inter terram Petri de Tyndal versus orientem ex parte una et terram Edgari vicarii versus occidentem exaltera pro quadam summa pecunie quam dictus Magister Reginaldus in mea urgenti necessitate totaliter pacavit Que quidem terra oblata fuit propinquioribus parentibus meis et amicis in curia de Glasgu ad tria principalia placita anni et ad alia placita multociens secundum legem et consuetudinem burgi Et saisynam ejusdem terre cum suis pertinenciis predicto Magistro Reginaldo coram prepositis et ballivis de Glasgu et xij burgensibus et aliis ejusdem civitatis feci et donaui Tenendam et habendam predicto Magistro Reginaldo et heredibus suis vel cuicumque et quantumcumque dare legare vel assignare voluerit in libero burgagio plene integre pacifice et honorifice in perpetuum Reddendo inde annuatim domino episcopo Glasguensi et successoribus suis firmam debitam ad terminos consuetos pro omni seruicio seculari consuetudine exaccione et demanda Ego vero Robertus et heredes mei totam predictam terram cum omnibus pertinenciis suis libertatibus et asiamentis predicto Magistro Reginaldo et heredibus suis et cuicunque et quantumcumque dare legare vel assignare voluerit contra omnes homines et feminas warantizabimus acquietabimus et defendemus in perpetuum In Cujus Rei Testimonium huic scripto sigillum meum apposui et tam ad instanciam et peticionem meam quam supradicti Reginaldi in omnium premissorum testimonium sigillum commune de Glasgu huic scripto est appensum Hiis testibus Domino Ricardo de Dunidouir Alexandro Palmer Willelmo Gley tunc prepositis Domino Johanne de Ireskin milite Roberto de Coupland Nicholao filio Germani Ricardo Smaley Hogone Toller Ambrosio Nicholao Toller Roberto Jarguno Bricio Pistore et aliis
Source (click image below to view full size)
