Charter Document - 05700005
| Charter Number: | 05700005 |
|---|---|
| Cartulary Title: | Charters and Documents Relating to the City of Glasgow, 1175-1649, Part 2 |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1224 - 1227 |
| Date type: | Assigned |
| Resource Link(s): |
People of Medieval Scotland British History Online |
Charter:
Alexander Dei gratia Rex Scottorum episcopis abbatibus comitibus baronibus justiciariis vicecomitibus ministris et omnibus probis hominibus totius terre sue clericis et laicis salutem Sciant presentes et futuri me concessisse et hac carta mea confirmasse Deo et Sancto Kentegerno et Waltero episcopo Glasguensi et singulis suis successoribus in perpetuum ut burgum habeant apud Glascu cum foro die Jouis bene et honorifice quiete et plenarie cum omnibus libertatibus et consuetudinibus quas aliquis burgorum meorum in tota terra mea melius plenius quietius et honorificentius habet Quare volo et firmiter precipio ut omnes burgenses qui in predicto burgo manentes erunt meam firmam pacem iuste habeant per totam terram meam in eundo et redeundo Et prohibeo firmiter ne quis eos aut eorum catella iniuste disturbet aut vexet aut aliquam eis iniuriam aut contumeliam inferat super meam plenariam forisfacturam sicut carta domini regis Willelmi patris mei Jocelino episcopo Glasguensi et eius successoribus inde facta testatur Testibus Hugone episcopo Dunkeldensi Willelmo Cumin comite de Buchan justiciario Scotie Rogero de Mortuo Mari Thoma hostiario Waltero Cumin Jordano Cumin Malcolmo pincerna Thoma de Haya Roberto de Seynt Cler Apud Edeneburg xxiij die Julij
Source (click image below to view full size)
