Charter Document - 05700001
| Charter Number: | 05700001 |
|---|---|
| Cartulary Title: | Charters and Documents Relating to the City of Glasgow, 1175-1649, Part 2 |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1175 - 1178 |
| Date type: | Assigned |
| Resource Link(s): |
British History Online People of Medieval Scotland |
Charter:
Willelmus Dei gracia Rex Scottorum episcopis abbatibus comitibus baronibus justiciariis vicecomitibus ministris et omnibus probis hominibus totius terre sue clericis et laicis modernis et posteris salutem Sciant presentes et futuri me concessisse et hac carta mea confirmasse Deo et Sancto Kentegerno et Joselino episcopo Glasguensi et singulis eius successoribus in perpetuum ut Burgum habeant apud Glasgu cum foro die Jouis bene et honorifice quiete et plenarie cum omnibus libertatibus et consuetudinibus quas aliquis burgorum meorum in tota terra mea melius plenius quietius et honorificentius habet Quare volo et firmiter precipio ut omnes burgenses qui in predicto burgo manentes erunt meam firmam pacem iuste habeant per totam terram meam in eundo et redeundo Et prohibeo firmiter ne quis eos aut eorum catalla iniuste disturbet aut vexet aut aliquam eis iniuriam aut contumeliam inferat super meam plenariam forisfacturam Testibus Comite Dauid fratre meo Waltero Bidun cancellario meo Comite Dunecano Comite Gilleberto Comite Gillechristo de Menetethe Ricardo de Moruill constabulario Roberto de Quinci Ricardo Cumin Waltero de Berkelei camerario Willelmo de Veteri Ponte Philippo de Valloniis Roberto de Berkelei Adamo de Stanford Apud Trauequer
Source (click image below to view full size)
