Charter Document - 05690009

R[obertus] et G de Kenelwurth et de Warewik dicti priores omnibus [] salutem Ad uniuersitatis uestre noticiam referri desideramus quod cum causa que uertebatur inter abbatem et canonicos de Arroas et abbatem et canonicos de Messend et moniales de Harewold auctoritate summi pontificis nobis commissa in presencia nostra diucius esset accitata tandem de assensu utriusque partis amicabili composicione interueniente predicta querela sub spe pacis in hanc formam redacte ad tempus conquieuit Memorate moniales de Harewold dimidiam marcatam redditus abbati et canonicis de Arroas nomine transaccionis dabunt et loco competenti assignabunt hac condicione ut predicti abbates de Arroas et de Messend ab omni querela contra predictas moniales mota in perpetuum recedent et eas et domum suam cum omnibus pertinenciis suis ab omni subieccione liberas habebunt Sepedictus autem abbas de Messend qui hanc pacem formare procurauit quia factum alienum promittere non potenti in uerbo ueritatis iurauit quod ipse omni diligencia et sollicitudine adhibita proposse suo abbatem et conuentum de Arroas ad hoc inducet ut infra festum beati Luce sigillo suo hanc confirment transaccionem et quod ipse infra tempus illud in preiudicium predictarum monialium nullam faciet adquisicionem et quod nunc adquisitis literis et non ostensis siue infra tempus illud adquirendis non utetur Gila uero priorissa de Harewold conuencionem istam ex parte sua tenendam iurauit si abbas et conuentus de Arroasia huic transaccioni assensum adhibuerint Quod si non fecerint in eadem condicione in qua nunc sunt in crastino sancti Luce litere prosequentur Hec conuencio facta fuit proxima die sabbati post festum sancti Barnabe