Charter Document - 05660040
| Charter Number: | 05660040 |
|---|---|
| Cartulary Title: | Charters of Cumbwell Priory |
| Charter Language: | Latin |
| Charter Origin: | Religious |
| Charter Type(s): | Protection |
| Date: | 1184 - 1190 |
| Date type: | Assigned |
| Resource Link(s): |
|
Charter:
B dei gracia Cantuarensis Archiepiscopus Totius Anglie Primas et Apostolice Sedis legatus universis Christi fidelibus ad quos presentes litere pervenerint illam que est in deo Salutem Ad nostre sollicitudinis pertinet officium subjectos nostros et maxime viros religiosos protegere et paci et securitati eorum studiosius providere Ea propter nos devotionem et laudabilem conversationem dilectorum filiorum nostrorum Canonicorum de Cumbwell ex multorum relatione attendentes eosdem canonicos et ecclesiam ac possessiones eorum universas in protectione dei et nostra recepimus et omnes possessiones et beneficia que ipsis canonicis in subsidium religionis pia devotione collata sunt et tam regia quam episcopali auctoritate confirmata eis concedimus et sicut in autentico scripto domini illustris Anglorum Regis Henrici secundi et in litteris confirmacionis Ricardi bone memorie predecessoris nostri Cantuariensis Archiepiscopi continentur expressa auctoritate qua fungimur confirmamus et sigilli nostri appositione communimus sub interminatione anathematis distinctius inhibentes nequis predictos Canonicos super possessionibus suis injuste aut contra juris ordinem turbare vel molestare presumat Et ut hec confirmatio nostra firma et inconcussa perseveret eandem presenti pagina et testium subscriptione duximus roborandam Hiis testibus Magistro Henrico de Norhamton Magistro Silvestro Gileberto filio Willelmi Reginaldo de Oylly Magistro Nicolao de Lideford Ricardo de Hunframvill Eustachio de Wilton Galfrido Forti et aliis
Source (click image below to view full size)
