Charter Document - 05660030
| Charter Number: | 05660030 |
|---|---|
| Cartulary Title: | Charters of Cumbwell Priory |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1215 - 1228 |
| Date type: | Assigned |
| Resource Link(s): |
|
Charter:
Omnibus Christi fidelibus presentes litteras inspecturis J Prior humilisque Conventus ecclesie Christi Cantuarie eternam in domino salutem Que divine pietatis affectu sanctis locis et viris religiosis deo servientibus tribuuntur nimia debent stabilitate constitui et nullius in posterum intentione revocari Hinc est quod donationem ac concessionem ecclesiarum Sancte Marie de Thornham cum pertinentiis Sancti Petri de Aldintone cum pertinenciis Sancti Petri de Beausfeld cum pertinenciis Sancti Georgii de Beninden cum pertinenciis factam Priori et Canonicis de la Cumewell a venerabili Patre nostro S Cantuariensi archiepiscopo et predecessoribus suis H et R prout in ipsorum munimentis perspeximus contineri ac eisdem canonicis de consensu patronorum in proprios usus assignatam ratam habemus et acceptam Et in hujus rei testimonium sigilli nostri munimine presens scriptum communimus
Source (click image below to view full size)
