Charter Document - 05650019
| Charter Number: | 05650019 |
|---|---|
| Cartulary Title: | Charters of Cumbwell Priory |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1219 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Mabilia de Gatton salutem in domino Ne ea que pro communi utilitate delibatione parvicla fieri dinoscuntur transitu temporis per oblivionis incommodum devocentur in dubium ad universitatis vestre noticiam volo pervenire quod cum Willelmus quondam Abbas de Cumbwell propter sui corporis impotenciam in manus Venerabilis patris Stephani Cantuariensis Archiepiscopi ipsam abbatiam spontanter resignasset et eadem domus aliquamdiu regeretur postea per Priorem postmodum intellecto secundum quod eidem domino Cantuariensi ac plerisque viris prudentibus et discretis videbatur ipsam domum utilius sub Prioris quam sub Abbatis propter tanti prelati sumptus regimine gubernari provisum fuit et statutum de ipsius domini Cantuariensis consilio meoque pro me et heredibus meis interveniente consensu ut Abbatia predicta ob causas necessarias redigeretur in perpetuum prioratum salva in omnibus tam libera quam canonica electione canonicorum ejusdem loci in recreationem Prioris pro tempore proferendi eidem domui et mea meorumque successorum presentacione que spectat ad patronum Ut igitur hec ordinatio predicti domini Cantuariensis de assensu meo facta perpetua gaudeat firmitate eam presenti scripta et sigilli mei munimine confirmavi Hiis testibus Magistro Thoma de Fracham Magistro Waltero de Enesham Magistro Ricardo de Walingeford Magistro Willelmo de Beauton Aaron de Kent Vincentio de Norwiz Henrico de Cobbeham Henrico de Kareuill Johanne de Moine Waltero de Rifford Jordano de Lamberhurst Willelmo Potin Ricardo clerico et aliis
Source (click image below to view full size)
