Charter Document - 05650016
| Charter Number: | 05650016 |
|---|---|
| Cartulary Title: | Charters of Cumbwell Priory |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1219 |
| Date type: | Assigned |
| Resource Link(s): |
|
Charter:
Reverendissimo domino et Patri in Christo karissimo S dei gracia Cantuariensi Archiepiscopo Totius Anglie Primati et Sancte Romane Ecclesie Cardinali Mabilia de Gatton salutem Noverit paternitas vestra quod cum Conventus Ecclesie de Cumbwell ejusdem ecclesie sede vacante habito de provisione pastoris tractatu diligenti pari voto et unanimi voluntate deum pro oculis habentes dominum H ejusdem ecclesie Priorem in patrem et pastorem concorditer et unanimiter canonice elegisset et mihi de propria ipsius honestate discrecione et moribus plene constitisset et quod magis idoneus et sufficiens ad prefatam ecclesiam regendam tam a fratribus suis quam ab aliis juris discretis et religiosis crederetur illius electionem gratam et ratam habens quantum ad me pertinet vel pertinere potest dum adhuc vidua essem benigne concessi et ad prefati conventus presentacionem jam dictum H recepi Inde est quod illum quantum in me est vestre excellencie presento et pedibus item paternitatis vestre provoluta supplico quatinus dilectorum fratrum meorum gratum prebeatis electioni assensum circa electum suum quod vestrum exsequamini Valeat et vigeat paternitas vestra per multa tempora
Source (click image below to view full size)
