Charter Document - 05650005

Ricardus dei gratia Cantuariensis Archiepiscopus et totius Anglie Primas Omnibus Christi fidelibus ad quos presentes litere pervenerint illam que est in domino salutem Ad universitatis nostre notitiam volumus pervenire nos ad petitionem et presentationem dilecti filii nostri Stephan de Thorneham domini fundatoris dedisse et concessisse dilectis filiis nostris Canonicis Cumbwell ecclesiam de Thornham cum universis pertinentiis suis libere et quiete post decessum Roberti ejusdem ecclesie capellani possidendam Ita quidem ut fructus et obventiones quaslibet de ea pervenientes salvo episcopali jure quod de ea debetur in usus suos convertant Capellanus tamen qui in eadem ecclesia nomine canonicorum divina officia celebrabit ad eorum presentationem ab episcopo recipietur qui eidem episcopo de hiis que sibi debentur respondeat et canonicis prout ab eis ordinatum fuerit de temporalibus respondeat et satisfaciat Hoc quoque ad communem omnium volumus devenire notitiam quod cum controversia inter predictam Stephanum et Robertum ejusdem ecclesie presbyterum super quadam terre ad ecclesiam de Thorneham pertinente mota ad nostram audientiam fuisset delata tandem eandem questionem sub tali compositionis forma ad pacem reduximus et concordie unitatem reformavimus Predictus siquidem Stephanus dedit et concessit ecclesie de Thorneham in liberam et perpetuam elemosinam sex acras et tres virgatas terre in bosco suo versus orientalem plagam partem videlicet in bosco partem in plano liberas et quietas ab omni seculari servitio in concambium illius terre quam idem Stephanus habet in parco suo versus occidentalem que olim at ecclesiam de Thorneham pertinebat Preterea idem Stephanus concessit tres acras terre que jacent juxta Dunstratum ecclesie de Thorneham quas pater ejusdem Stephani olim eidem ecclesie pietatis intuitu in liberam contulerat elemosinam Robertus vero capellanus ecclesie de Thorneham facto concambio et controversia inter ipsum et Stephanum sopita concessit et firmiter promisit quod in capella Stephani de Thorneham quam habet in curia sua fundatam si idem Stephanus cum familia sua ibi moram fecerit tribus diebus in septimana videlicet tertia quarta et sexta nisi festus dies qui perferri debeat intervenerit et die dominica per se vel per capellanum suum divina faciet celebrari Quod si idem Stephanus residentiam ibi non fecerit per unam diem totam in septimana pro fidelibus defunctis per eundem Robertum vel capellanum ejus divina in eadem capella celebrabuntur Ita quod quod memoratur Stephanus in libris in vestimentis et ceteris quibuslibet divinorum celebrationi necessariis in capella sua faciet exhiberi id ipsum quoque Abbas et Canonici Cumbwell temporibus suis cum liberam ejusdem ecclesia de Thorneham habuerint dispositionem eidem militi se exhibituros promiserunt Et quia ea que coram nos et a nobis rationabiliter ordinata sunt volumus perpetua stabilitate gaudere eadem presentis scripti patrocinio et testium subscriptione communimus Hiis testibus Magistro Girard Magistro P Blesensi Archidiacono Bathon Magistro Roberti de Inglesham Magistro Rogerio de Rulveston Willielmo de Sotindon Henrico Baioc Thoma de Nowesden Michel de Burn Magistro Rogerio Hereford Hereberto elemosinario Gaufrido de Mildehal et multis aliis clericis et laicis