Charter Document - 05630469
| Charter Number: | 05630469 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1232 - 1237 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis presens scriptum visuris vel audituris Iohannes de Scotia comes Cestrie et de Huntedon eternam in domino salutem Noverit universitas vestra nos divine pietatis intuitu concessisse et hac carta nostra confirmasse Deo et ecclesie sancti Andree apostoli in Scocia et canonicis ibidem Deo servientibus et servituris donaciones concessiones et confirmaciones quas venerabilis pater noster Comes David eisdem canonicis dedit concessit et cartis suis confirmavit videlicet totam terrain de Forgrunt unde controversia vertebatur inter ipsum et eosdem canonicos cum dimidia carucata terre quam antecessores nostri dederunt ecclesie de Forgrunt in dotem per rectas divisas suas libere et quiete et honorifice ab omni consuetudine et exaccione seculari et totum canum et kuneueth de terra de Eglesgirg et servicium que homines predictorum canonicorum de dicta terra de Eglesgirg predicto patri nostro debebant Et unum plenarium toftum in burgo nostro de Dunde liberum et quietum ab omni servicio et consuetudine et exaccione seculari et unam marcam argenti ad oblatas faciendas ad pasca de firma burgi nostri de Dunde predictis canonicis absque ulla disturbacione reddendam Et duas carucatas terre in Kinalchmund in perpetuam elemosinam per rectas divisas suas liberas et quietas ab omni servicio et exaccione seculari sicut in auctenticis scriptis sepe dicti Comitis David patris nostri et antecessorum nostrorum plenius continetur Et ad huius concessionis nostre et confirmacionis perpetuam securitatem predictis canonicis faciendam presens scriptum sigilli nostri inpressione roboravimus testibus Domino Iohanne abbate de Lundors Domino Henrico de Struvelin fratre nostro Domino Gerardo de Lindeseya Domino Willelmo de Lee Domino Ada de Audelee Domino Willelmo de Burg Domino Symone de Garnecoll Dompnis Petro et Samuele capellanis nostris David de Canes Rogero et Roberto de Wrth et Valentino clericis nostris Nicholao de Inverpefin et multis aliis
Source (click image below to view full size)
