Charter Document - 05630463

Omnibus sancte matris ecclesie filiis hoc presens scriptum inspecturis vel audituris Iohannes de Scocia comes Cestrie et Huntindonie salutem Noverit universitas vestra me pro salute anime mee et antecessorum et successorum meorum dedisse concessisse et hac presenti carta mea confirmasse Deo et beate Marie et monachis monasterii de Cumbermere et eorum successoribus seu assignatis in puram et perpetuam elemosinam pasturam sufficienter in foresta mea de Maclesfeld per totam pro duobus milibus ovium cuiuscumque etatis voluerint Centenarius vero numerus erit continens sexies viginti oves Si autem plures oves ibidem habuerint per duas legales homines meos et per duos conversos suos numerabuntur et sine forisfactura amovebuntur Concessi etiam eisdem monachis pasturam sufficientem in predicta foresta mea viginti quatuor bobus et quadraginta vaccis cum exitu illarum trium annorum et quatuor tauris Item concessi eisdem pasturam sufficientem exitui illarum vaccarum prius habitarum donec sint etatis trium annorum ita quod dicti monachi habeant omnia supradicta in dicta foresta racione istius carte et aliarum cartarum Ranulphi avunculi mei quas dicti monachi inde habent plenius continetur Et habeant in dicta pastura eques et equas ac alia animalia eisdem necessaria Concessi etiam eisdem monachis et eorum successoribus vel eorum assignatis quod possint capere in predicta foresta maeremium ad edificandum et boscum et turbarium ad ardendum ac alia estoveria eis necessaria capienda cum housebote et haybote quandocumque et quociens cumque voluerint sine contradiccione mei vel heredum meorum iusticiarii forestariorum vel aliorum ballivorum quorumcumque Item concessi eisdem monachis et eorum successoribus sive assignatis quod nunquam de cetero ego vel heredes mei vel aliquis alius nomine meo aliquod approwiamentum quoquomodo faciemus in foresta predicta ad nocumentum seu gravamen dictorum monachorum seu ad distruccionem pasture eorundem nisi de mera voluntate et assensu dictorum monachorum et quod ipsi monachi et successores sui seu assignati inperpetuum habeant et teneant omnia supradicta que habent infra metas forcstc nostre dc Maclesfeld quieta de vasto et regardo ita quod idem abbas et conventus et successores sui solum de terris infra metas et bundas dictorum monachorum in culturam redigere et de solo suo approwiare possint pro voluntate sua modis quibus sibi magis viderint expedire sine occasione calumpnia vel impedimento nostri vel heredum nostrorum iusticiarii forestariorum viridariorum et omnium aliorum ballivorum et ministrorum nostrorum quorumcumque salvis nobis et heredibus nostris venacione infra metas et bundas monachorum predictorum Et quod forestariis viridariis vel aliis quibuscumque super aliquibus presentacionibus seu indictamentis ad predictos abbatem et conventum vel eorum homines aut eorum successores faciendis occasione transgrescionis de venacione nostra infra metas et bundas foreste predicte per ipsos facte seu faciende non credatur et quod predicti abbas et conventus et eorum successores aut homines ipsorum occasione transgressionis huiusmodi non occasionentur in aliquo seu graventur nisi cum manu opere fuerint inventi Ut autem mea donacio et confirmacio rata et stabilis inperpetuum remanent huic scripto sigillum meum apposui Hiis testibus domino Waltero tunc abbate Cestrie Iohanne tunc abbate de Deulacres Ricardo Fyton tunc iusticiario Cestrie Rogero de Monte Alto Willelmo de Malo Passu Walkelino de Arden Hugone Fytton Willelmo de Boydell Hugone et Ricardo clericis et aliis Datum apud Cestriam quarto [] Aprilis anno domini MCC tricesimo quarto