Charter Document - 05630461
| Charter Number: | 05630461 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin |
| Charter Origin: | Lay |
| Charter Type(s): | Quittance |
| Date: | 1233 - 1237 |
| Date type: | Assigned |
| Resource Link(s): |
|
Charter:
Omnibus presentem cartam inspecturis vel audituris Iohannes de Scocia comes Cestrie et Huntyngdonie salutem Sciatis me concessisse et dedisse et hac presenti carta mea de me et heredibus meis inperpetuum confirmasse Deo et ecclesie beate Marie de Stanlawe et monachis ibidem Deo servientibus quietanciam de sectis placitorum foreste mee de la Mare de terra ipsorum monachorum in Wynlatona et de fine faciendo qui ad sectas illas pertinere solet et quietanciam de scutagio de eadem terra dictorum monachorum in Wynlatona ita quod dicti monachi de cetero inde non graventur nec molestentur Et si forte animalia eorundem ibidem existencia casualiter ultra metas suas proprias per escapeamentum in dictam forestam meam de die venerint et ibidem inventa fuerint sine custodia ibidem facta capiantur et replegientur Et si de nocte in eadem inventa fuerint sine custodia hoc emendetur Si vero cum custodia ibidem facta de die vel de nocte inventa fuerint hoc sine dilacione convincatur et emendetur Et similiter si dicti monachi vel eorum homines inventi fuerint cum venacione vel in aliquo delicto manifesto quod ad forestam pertinet hoc convincatur et secundum modum delicti emendetur Et prohibeo super forisfacturam meam ne quis dictos monachos de cetero contra hanc meam concessionem et quietanciam gravare aut molestare presumat Et ut hec mea concessio et quietancia de me et heredibus meis dictis monachis facta inperpetuum perseveret presentem cartam sigillo meo munitam eis habere feci Hiis testibus W Dei gratia tunc abbate Cestrie Henrico de Audithelega Willelmo de Cantelupo iuniore Ricardo Phitoun tunc iusticiario Cestrie Roberto de Campania Hugone Phitoun Ricardo de Sondbache Hugone de Chelmundele Ricardo de Kyngesle Roberto Grosso Venatore Iohanne de Haselwelle Petro de Frodesham Petro clerico et aliis
Source (click image below to view full size)
