Charter Document - 05630453
| Charter Number: | 05630453 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin |
| Charter Origin: | Lay |
| Charter Type(s): | Quittance |
| Date: | 1233 - 1237 |
| Date type: | Assigned |
| Resource Link(s): |
|
Charter:
Omnibus presentem cartam inspecturis vel audituris Iohannes de Scocia comes Cestrie et Huntyndonie salutem Sciatis me concessisse et dedisse et hac presenti carta mea confirmasse de me et heredibus meis Ricardo Phiton et heredibus suis quietanciam pulture servientum tocius terre sue et hominum suorum in Cestria et Cestrisciria et similiter quietanciam tolneti dicte terre sue et hominum suorum per totam terram meam Cestrie et Cestriscirie Et preterea dedi et concessi de me et heredibus meis eidem Ricardo et heredibus suis quietanciam iudicatores inveniendi in hundredo meo de Macclesfeld de feodo de Fulshawe quos quidem ipse et antecessores sui michi et antecessoribus meis prius inde in dicto hundredo invenire consueverunt ita quidem quod nec ego nec heredes mei a dicto Ricardo vel heredibus suis de cetero super predictis quietanciis aliquid exigemus vel exigere poterimus sed bene volo et firmiter precipio quod ipse et heredes sui inperpetuum dictas habeant quietancias et prohibeo super forisfacturam meam decem librarum ne quis eum vel heredes suos terras suas vel homines suos super eisdem quietanciis gravare aut molestare presumat Et ut hec mea concessio et donacio predictarum quietanciarum perpetue firmitatis robur obtineant presentem cartam sigillo meo munitam ei habere feci Hiis testibus Willelmo de Cantelupo iuniore Roberto de Campania Rogero de Monte Alto senescallo Cestrie Warino de Vernun Hamone de Mascy Willelmo de Venables Willelmo de Malo Passu Ricardo de Sondbache Ricardo de Kyngesley Ada de Hellesby Ricardo de Wibbenbury tunc vicecomite Cestrescire Petro et Ricardo clericis et aliis
Source (click image below to view full size)
