Charter Document - 05630449
| Charter Number: | 05630449 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1233 - 1237 |
| Date type: | Assigned |
| Resource Link(s): |
|
Charter:
Omnibus Christi fidelibus presens scriptum visuris vel audituris Iohannes de Scocia comes Cestrie et Huntindonie salutem in domino Sciatis me concessisse et confirmasse Deo et domui sancte Werburge de Cestria et abbati et monachis ibidem Deo servientibus in puram et perpetuam elemosinam pro salute mea et comitisse mee et pro anima comitis David patris mei et comitisse Matildis matris mee et pro anima Ranulfi comitis avunculi mei et pro animabus omnium antecessorum et successorum meorum omnes donaciones et dignitates et libertates quas comites antecessores mei et barones eis dederunt Insuper ego ipse do concedo et presenti scripto confirmo predictis abbati et monachis quietanciam de tribus panibus quos solebant dare diurne ad turrim castelli mei de Cestria et quietanciam de pultura servientium in villis suis scilicet Huntindun Chevelee Idinghale Wirwin tempore pacis et Presteburi et Gorestre inperpetuum Quapropter volo et omnibus hominibus meis et amicis firmiter precipio quod predicti abbas et monachi habeant et teneant libere quiete bene et in pace omnes donaciones suas cum pertinenciis et dignitates et libertates suas et quietanciam de tribus panibus aliquando ad turrim Cestrie datis et quietanciam de pultura servientium ut predictum est et quod utantur et uti permittantur libertatibus suis secundum tenorem cartarum et contirmacionum antecessorum meorum quas inde habent Et prohibeo super forisfacturam meam decem librarum ne quis super hiis prescriptis prefatos abbatem et monachos de cetero molestet vexet vel disturbet Et ut hec mea confirmacio concessio et donacio firmitatis robur obtineant inperpetuum presenti scripto sigillum meum apponi feci Hiis testibus domino Ricardo Phitun tunc iusticiario Cestrie dominis Warino de Vernun Willelmo de Venables Hamone de Mascy Hugone de Phitun Willelmo de Malopassu Walkelino de Arderne Willelmo de Boidel Ricardo de Sondbache Ricardo de Wibinburi tunc vicecomite Cestresirie Hugone de Venables H de Struencle clerico et aliis
Source (click image below to view full size)
