Charter Document - 05630448
| Charter Number: | 05630448 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1233 - 1237 |
| Date type: | Assigned |
| Resource Link(s): |
|
Charter:
Iohannes comes Cestrie et Huntendonie constabulario suo dapifero iusticiario baronibus militibus ballivis suis et ministris et omnibus fidelibus suis presentibus et futuris salutem Sciatis me concessisse et hac presenti carta mea confirmasse omnibus civibus meis Cestrie quod nullus mercator aliquod genus mercimonii quod ad civitatem Cestrie per mare aut per terram venerit emat vel vendat nisi ipsi cives mei Cestrie et eorum heredes vel per eorum gratum nisi in nundinis assisis scilicet in nativitate sancti Iohannis Baptiste et in festo sancti Michaelis Item concessi et hac presenti carta mea confirmavi eisdem civibus meis Cestrie quod si civis fecerit empcionem aliquam et coram testibus et sequela postea venerit de Francis vel de Anglicis qui rationabiliter possint emptum ilium diracionare civis qui empcionem illam fecerit quietus sit de me et de ballivis meis perdendo tantummodo et reddendo quod emerit si aliter non possit vendicanti satisfacere Si vero sequela venerit de Walense qui possit rationabiliter rem emptam diracionare precium rei empte civi reddat quod idem civis rationabiliter poterit demonstrare se dedisse pro re empta Item concessi et hac presenti carta mea confirmavi dictis civibus meis Cestrie gildam suam mercalem habendam et tenendam adeo libere quiete et honorifice sicut eam habuerunt in tempore avunculi mei domini Ranulfi comitis Cestrie et Lincolnie Item concessi et hac presenti carta mea confirmavi prefatis civibus meis Cestrie quod nulla capcio fiat in civitate Cestrie preterquam ad opus domini comitis et iusticiarii sui dum fuerint ibidem et hoc sit tresdecim denariati pro duodecim denariis nisi tantummodo de cervisia scilicet quatuor sexteria ad plus de una bracina et precium cuiusdam sextarii debet esse iiii denarii et nullus habeat capcionem illam cervisie preterquam dominus comes et iusticiarius et illa capcio fiat per ordinem in circuitu ubi fieri debet Preterea concessi et hac presenti carta mea confirmavi memoratis civibus meis Cestrie omnes libertates et omnes liberas consuetudines quas illi melius et liberius aut quiecius habuerunt de avunculo meo Ranulfo comite Cestrie et Lincolnie secundum tenorem magne carte quam eis dedit quando fuit comes Cestrie et Lincolnie In qua carta ad maiorem securitatem eis faciendam sigillum meum simul cum sigillo avunculi mei Ranulfi comitis Cestrie et Lincolnie apposui Has vero prenominatas et superscriptas libertates et liberas consuetudines omnes concessi et hac presenti carta mea confirmavi dilectis et fidelibus meis scilicet omnibus civibus meis Cestrie habendas et tenendas illis et heredibus illorum de me et de heredibus meis inperpetuum libere et quiete pacifice et honorifice Quare volo et firmiter precipio quod super dictis libertatibus et liberis consuetudinibus nemo illis iniuriam faciat impedimentum aut gravamen super forisfacturam decem librarum set omnes ballivi mei ipsos et eorum libertates et liberas consuetudines et iura protegant et manuteneant Ego siquidem et heredes mei omnes prenominatas et superscriptas libertates et liberas consuetudines sepedictis civibus meis Cestrie et heredibus illorum contra omnes homines warantizabimus et in huius rei testimonium presentem cartam sigillo meo munivi Hiis testibus Ricardo Phiton tunc iusticiario Cestrie Henrico de Aldithele Hugone Phiton Willelmo de Lai Willelmo de Malopassu Willelmo de Venables Guarino de Vernon Walkelino de Arderne Rogero de Meingarinc Hamone de Masci Willelmo Patricio Ranulfo de Praeris Ricardo de Sinbiche Hugone de Cholmundele Ricardo de Kingesle et multis aliis
Source (click image below to view full size)
