Charter Document - 05630447
| Charter Number: | 05630447 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1233 - 1237 |
| Date type: | Assigned |
| Resource Link(s): |
|
Charter:
Iohannes de Scotia comes Cestrie et Huntundon constabulario suo dapifero vicecomiti baronibus et ballivis suis et omnibus hominibus suis tam presentibus quam futuris salutem Noveritis me pro salute anime comitis Ranulfi avunculi mei et mee animarumque antecessorum et successorum meorum specialiter suscepisse in manutenemento meo et custodia et protectione mea abbatiam de Deulacres monachos et conversos ibidem Deo servientes homines res terras et possessiones et omnia ad predictam abbatiam pertinencia Quare volo et firmiter precipio quod dictam abbatiam et omnia ad eam pertinencia pro posse fideli manu teneatis custodiatis protegatis in omnibus nullam eis iniuriam vel molestiam inferentes nec pro posse vestro eis inferri permittentes et quod sitis eis in auxilium et consilium ad libertates suas et iura sua habenda et manutenenda in omnibus pro posse vestro fideli Et si quis eis vel hominibus vel rebus suis in aliquo forisfacere presumpserit sine dilacione eisdem faciatis iusticiam plenariam Et prohibeo supra forisfacturam decem librarum ne ipsi vel homines sui ponantur in placitum de aliqua re nisi coram me ipso vel coram capitali iusticiario meo In cuius rei testimonium presens scriptum sigillo meo munitum contuli His testibus Waltero abbate Cestrie Ricardo Phitun tunc iusticiario Cestrie Willelmo de Cantelupo Willelmo de Malopassu Hugone Phitun Walkelino de Arderne Galfrido de Appleby Simone Petro Hugone clericis et aliis
Source (click image below to view full size)
