Charter Document - 05630446
| Charter Number: | 05630446 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1233 - 1237 |
| Date type: | Assigned |
| Resource Link(s): |
|
Charter:
Omnibus presentem cartam inspecturis vel audituris Iohannes de Scotia comes Cestrie et Huntindonie salutem Sciatis me pro salute pie memorie Ranulfi quondam comitis Cestrie et Lincolnie avunculi mei et pro salute anime comitis Davidis patris mei et pro salute anime mee animarumque omnium antecessorum et successorum meorum concessisse et hac presenti carta mea confirmasse Deo et beate Marie et abbatie de Deulacres et monachis ibidem Deo in perpetuum famulantibus omnes rationabiles donationes et libertates a dicto Ranulfo comite et ab antecessoribus suis et a quibuscunque aliis infra terram meam vel alibi illis in puram et perpetuam elemosinam collatas sicut carte dicti Ranulfi comitis et aliorum quas dicti loci abbas et conventus inde habent rationabiliter testantur Et in huius rei testimonium presenti scripto sigillum meum apponere feci His testibus Waltero Dei gracia abbate Cestrie Roberto abbate de Cumbremara Karolo abbate de Stanlawe Ricardo Phitun tunc iusticiario Cestrie Roberto de Campania Hugone Phitun Radulfo Basset Franco Teutonico peregrino Ada de Audithele et aliis
Source (click image below to view full size)
