Charter Document - 05630445
| Charter Number: | 05630445 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin |
| Charter Origin: | Lay |
| Charter Type(s): | Remission |
| Date: | 1233 - 1236 |
| Date type: | Assigned |
| Resource Link(s): |
|
Charter:
Omnibus presentibus et futuris Iohannes de Scotia comes Cestrie et Huntedonie salutem Noverit universitas vestra me pro salute anime mee et pro salute omnium antecessorum et successorum meorum remisisse et quietaclamasse Deo et beate Marie et abbati de Deulacresse et monachis ibidem Deo servientibus in liberam puram et perpetuam elemosinam omnia homagia et servitia pertinentia ad manerium de Lek que prius retinui ad opus meum ita quod ego vel heredes mei in dicto manerio cum pertinentiis nichil omnino poterimus exigere sed possideant predicti abbas et monachi sepedictum manerium de Lek cum omnibus pertinentiis et libertatibus suis absque ullo retenemento plene et pacifice prout carta pie memorie domini Ranulphi quondam comitis Cestrie et Lincolnie avunculi mei testatur In cuius rei testimonium presenti scripto sigillum meum apposui Hiis testibus venerabili viro domino Alexandra Coventrensi et Lychefeldensi episcopo Waltero abbate Cestrie Roberto abbate de Cumbremare Henrico de Auditheleghe Warino de Vernun Willelmo de Breyn Radulfo de Camays Radulfo de Say Hanketino de Folevilla et aliis
Source (click image below to view full size)
