Charter Document - 05630444
| Charter Number: | 05630444 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1239 - 1252 |
| Date type: | Assigned |
| Resource Link(s): |
|
Charter:
Sciant omnes quod ego Clemencia comitissa Cestrie tempore viduitatis mee constituta pro salute anime mee et nobilis viri Ranulfi quondam comitis Cestrie mariti mei necnon et omnium antecessorum et successorum meorum dedi et concessi absque omni retenemento meo vel heredum meorum Deo et abbatie Savigneii et monachis ibidem Deo servientibus totum redditum et servicium et quicquid habebam vel habere poteram ego vel heredes mei quacumque racione in tota terra quam tenuit de me in Fostona Willelmus de Suttona filius Rollandi de Suttona tenenda et habenda ipsis monachis in puram et perpetuam elemosinam ab omni servicio et seculari demanda liberam penitus et quietam Hanc vero donacionem meam ego et heredes mei predictis abbatie et monachis contra omnes homines et feminas warantizabimus In cuius rei testimonium et perpetuam firmitatem presenti scripto sigillum meum apposui Hiis testibus Willelmo de Furnesio Simone de Cumbermara Henrico de Bellalanda Gaufrido de Ruffordia abbatibus Roberto de Lexentona Hamone de Torvilla Ricardo de Huwelle Ricardo de Marcham Simone de Berefordia senescallo Roberto de Campedena clerico Radulfo de Acovere et multis aliis
Source (click image below to view full size)
