Charter Document - 05630442

Sciant presentes et futuri quod ego Clemencia filla Willelmi de Filgeris quondam sponsa Rannulfi comitis Cestrie et Lincolnie in ligia potestate mea dedi concessi et presenti carta mea confirmavi pro anima Rannulfi comitis Cestrie et Lincolnie et pro salute anime mee et pro animabus antecessorum et successorum meorum Deo et beate Marie et abbati et conventui de Savigneio omnes terras res et possessiones quas habuerunt in villis de Benigtona et de Fortona illo die quo dominus meus Rannulfus comes Cestrie et Lincolnie obiit habendas et tenendas in liberam puram et perpetuam elemosinam cum omnibus eisiamentis et omnibus libertatibus et pertinenciis suis infra villam et extra scilicet unam carucatam terre in haya iuxta ecclesiam sancti Swithuni in escambium pro quadam carucata terre in campis de Benigtona et unam rodam terre in villa de Benigtona ad incrementum curte predictorum monachorum ex parte occidentali et undecim acras terre et dimidiam et sex rodas prati in haya de Benigtona iuxta terras quas habuerunt in dicta haya in escambium undecim acrarum et dimidie terre et sex rodarum prati quas predicti monachi michi escambiaverunt in campis de Benigtona et de Fortona scilicet super Wildholm septem seliones super Heydich unum selionem ad crucem de haya duos seliones super Haihul duos seliones ad Sichet de Fortona unum selionem ad Hubbekate unum selionem ad Storkholm unum selionem et culturam de Cliveshende et in pratis de Benigtona ex orientali parte de Rieholm sed rodas prati Concessi etiam prefatis monachis claudere predictum hayum et defendere Preterea dedi eis totum tenementum quod Walterus de Swindresby tenuit in villa de Benigtona cum omnibus libertatibus suis et pertinenciis et toftum quod Malgerus filius Gaufridi tenuit in eadem villa cum una bovata terre et pertinenciis suis Preterea concessi et confirmavi sepedictis abbati et conventui illas novem bovatas terre quas habent ex dono Thome filii Algeri de Flet et remisi ad pitanciam faciendam feria quarta in capite ieiunii unam marcam argenti quam idem Thomas solebat solvere pro predicta terra Hec omnia predicta dedi concessi et presenti carta confirmavi predictis monachis in puram liberam et perpetuam elemosinam tenenda et habenda libere et quiete pacifice et integre soluta et quieta ab omni seculari servicio exactione et demanda ita quod in eis nichil penitus michi retineo nisi orationes tantum Et ego Clemencia et heredes mei hec omnia prenominata predictis abbati et monachis contra omnes homines et feminas in perpetuum warantizabimus Et ut hec omnia rata et stabilla perseverent in perpetuum ea presentis scripti testimonio et sigilli mei appositione roboravi Hiis testibus domino Roberto tunc abbate de Cumbermare domino Reginaldo tunc priore de Rependona domino Iohanne subpriore de Rependona domino Gilleberto capellano Hamone de Turevilla Helia pincerna Radulfo de Akofera Henrico de Mottr[am] et aliis