Charter Document - 05630440
| Charter Number: | 05630440 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1233 |
| Date type: | Assigned |
| Resource Link(s): |
|
Charter:
Sciant presentes et futuri quod ego Iohannes comes Cestrie et Huntendonie concessi remisi quietum clamavi et presenti carta mea confirmavi Iohanni de Lascy comiti Lincolnie et constabulario Cestrie decem feoda militum in Anglia illa scilicet que de me tenuit et antecessores sui de antecessoribus meis tenuerunt pro servicio dimidii feodi unius militis quod ipse et heredes sui michi et heredibus meis facere debent pro omni servicio habenda et tenenda eidem Iohanni de Lascy et heredibus suis de me et heredibus meis libere quiete et pacifice ita quod ego Iohannes comes Cestrie et Huntendonie predictus nec heredes mei nichil amplius poterimus habere clamare vel exigere in dictis decem feodis militum quam servicium dimidii feodi unius militis Hec autem predicta decem feoda militum ego et heredes mei ipsi et heredibus suis per predictum servicium contra omnes gentes inperpetuum warantizabimus Ut autem hec mea concessio et quietaclamacio rata sit et stabilis inperpetuum eam sigilli mei apposicione roboravi Hiis testibus domino Henrico de Audidelegha domino Willelmo de Cantilupo domino Ricardo Phiton tunc iusticiario Cestrie domino Radulfo Basset domino Hugone Phiton Galfrido de Appilby Nicholao de Damenevilla Henrico de Longo Campo Willelmo de Longo Campo Petro clerico et multis aliis
Source (click image below to view full size)
