Charter Document - 05630436
| Charter Number: | 05630436 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1231 |
| Date type: | Internal, A.D., Feast |
| Resource Link(s): |
|
Charter:
Universis presentes litteras inspecturis P dux Britannie comes Richemondie et R comes Cestrie salutem in domino Notum facimus quod cum dominus H rex Anglie illustris mihi P duci Britannie per litteras suas patentes potestatem dedisset treugas ineundi cum illustri domino Ludovico rege Francie et suis pro ipso domino rege Anglie et suis nos duo treugas inivimus cum eodem rege Francie et suis pro dicto rege Anglie et suis a festo beati Iohannis Baptiste nuper preterito in tres annos Forma autem treugarum talis est quod comes Marchie debet recuperare insulam Oleronis vel quolibet anno usque ad finem treugarum habebit octingentas libras Turonensium in recompensationem dicte insule medietatem in festo Omnium Sanctorum et medietatem in festo Ascensionis Domini Item comes Marchie et uxor sua et heredes sui durantibus treugis non implacitabuntur nec vexabuntur in foro ecclesiastico nec in foro laicali de aliqua re de qua essent tenentes tempore quo date fuerunt treuge vel de qua tunc essent in pace immo durantibus treugis per omnia remanebunt in tali statu in quo erant ea die qua treuge iste fuerunt inite Et si aliquo modo vexarentur vel implacitarentur interim quin remanerent in eadem pace et in eodem statu ut supradictum est dominus rex Francie posset eos iuvare sine se mesfacere et non teneretur extunc in antea istas treugas observare Insuper est ordinatum quod si aliqui foris fecerint in terra dicti comitis Marchie infra treugam et in terram alicuius baronum regis Anglie redierint post foris factum si ille in cuius terram redierint requisitus per dictatores treuge emendare infra quadraginta dies noluerit dominus rex Francie possit dictum comitem iuvare contra eum sine se meffacere et rex Anglie fautorem non iuvabit neque delinquentem Et idem de baronibus ipsius regis Anglie observabitur Hoc ipsum observabitur de baronibus domini regis Francie Quod autem superius dictum est de vexatione sive implacitatione comitis Marchie sive uxoris sue vel heredum suorum intelligitur si rex Anglie per se vel per suos implacitaret vel vexaret vel faceret implacitari vel vexari quia tunc dominus rex Francie posset eos iuvare sine se meffacere et non teneretur dominus rex Francie extunc in antea treugas regis Anglie observare Iurabunt autem treugam istam ex parte regis Anglie comes Richardus frater eius et Hubertus de Bore iusticia Anglie Actum in castris prope sanctum Albinum anno domini MCC tricesimo primo mense iulio in festo sancti Martini estivalis
Source (click image below to view full size)
