Charter Document - 05630435

Ranulfus comes Cestrie et Lincolnie omnibus presentibus et futuris presentem cartam inspecturis vel audituris salutem Sciatis me dedisse concessisse et hac presenti carta mea confirmasse quod villa de Salford sit liber burgus et quod burgenses in illo habitantes habeant et teneant omnes istas libertates subscriptas In primo quod quilibet burgensium habeat unam acram ad burgagium suum et reddet de quolibet burgagio suo per annum duodecim denarios pro omnibus firmis que ad burgum ilium pertinent Si vero prepositus ville aliquem burgensem calumpnia verrit de aliquo placito et calumpniatus non venerit ad diem nec aliquis pro eo infra Laghemote in foris factura mea est de duodecim denariis Item si aliquis burgensis aliquem burgensem implicaverit de aliquo debito et ipse cognoverit debitum prepositus ponat ei diem scilicet octavum et si non venerit ad diem reddat mihi duodecim denarios pro foris factura diei et debitum reddat et preposito iiii denarios Si aliquis burgensis in burgo aliquem burgensem per iram percusserit vel verberaverit absque sanguinis effusione per visum burgensium sibi pacem faciet salvo iure meo scilicet xii denariis Item si aliquis implacatus fuerit in burgo de aliquo placito non respondeat nec burgensi nec villano nec alicui alio nisi in suo Portmannemot scilicet de placito quod ad burgum pertinet Si aliquis burgensis vel alius appellet aliquem burgensem de latrocinio prefectus attachiet eum ad respondendum et stare iudicio in Portmannemote salvo iure meo Item si aliquis implacatus fuerit de vicino suo vel de aliquo aliquo de aliquibus que ad burgum pertineant et tres dies secutus fuerit si testimonium habuerit de preposito et de vicinis suis quod adversarius suus defectus sit ad hos tres dies nullum postea det ei responsum de illo placito et alter cadat in misericordiam Item nullus burgensis debet fur nare panem qui sit ad vendendum nisi ad furnum meum per rationabiles consuetudines Si molendinum ibi habuero ipsi burgenses ad molendinum meum molent ad vicesimum vas et si molendinum non habuero ibidem molent quocumque voluerint Item predicti burgenses possunt eligere prepositum de se ipsis quem voluerint et removere in fine anni Item quilibet burgensis burgagium suum potest dare in pignorare vel vendere cuicumque voluerit nisi heres illud emere voluerit sed heres propinquior erit ad illud emendum salvo servitio meo ita tamen quod non vendatur in religione Item burgenses possunt namare debitores suos pro debitis suis in burgo si debitor cognoverit debitum nisi sint tenentes de burgo Catalla burgensium non debent namari pro alicuius debitis nisi pro suis propriis Item burgenses predicti et omnes sui de quocumque emerint vel venderint ubicumque fuerit in dominicis meis sive in nundinis sive in foris erunt quieti de tolneto salvo tolneto salis Quicumque fregerit assisam sive de pane sive de cervisia remanebit in foris factura de xii denariis tribus vicibus et ad quartam vicem faciet assisam ville Ipsi autem burgenses habebunt communem liberam pasturam in bosco in plano in pasturis omnibus pertinentibus ville Salfordie et quieti erunt de pannagio in ipso bosco ville de Salfordia Iidem burgenses rationabiliter de predicto bosco capient omnia necessaria ad edificandum et ad ardendum Item quilibet potest esse ad placitum pro sponsa sua et familia sua et sponsa cuiuslibet potest firmam suam reddere preposito faciendo quod facere debeat et placitum sequi pro sponso suo si ipse forsan alibi fuerit Burgensis si non habuerit heredem legare poterit burgagium suum et catalla sua cum moriatur ubicumque ei placuerit salvo tamen iure meo scilicet iiii denariis et salvo servitio ad ipsum burgagium pertinente ita scilicet quod illud burgagium non alienetur in religione Cum burgensis moriatur sponsa sua manebit in domo cum herede et ibi habebit necessaria quamdiu sine marito fuerit et ex quo maritari voluerit discedet libere sine dote et heres ut dominus manebit in domo Item cum burgensis moriatur heres eius nullum aliud re levium dabit mihi nisi huiusmodi arma scilicet gladium vel arcum vel lanceam Nullus infra wapentachium Salfordie ut sutor pelli parius fullo vel aliquis talis exerceat officium suum nisi sit in burgo salvis libertatibus baronum Prefati vero burgenses dabunt firmam suam de burgagio ad quatuor anni terminos scilicet ad natale Domini iii denarios ad mediam quadragesimam iii denarios ad festum beati Iohannis Baptiste iii denarios et ad festum beati Michaelis iii denarios Omnia predicta placita erunt terminata coram ballivis domini comitis per visum burgensium Quicumque burgagium suum vendere voluerit extra religionem et a villa discedere dabit mihi iiii denarios et libere ibit quocumque voluerit cum omnibus catallis suis Ego vero Rannulfus et heredes mei omnes predictas libertates et consuetudines predictis burgensibus et heredibus suis contra omnes gentes in perpetuum warantizabimus salvo mihi et heredibus meis rationabili tallagio quando dominus rex burgos suos per Angliam talliare fecerit In cuius rei memoriam presenti pagine sigillum meum apposui Hiis testibus domino Willelmo iusticiario Cestrie Simone de Monte Forti Pagano de Chaurciis Fulcone filio Warini Gilberto de Segrava Walkelino de Ardene Ricardo de Vernun Rogero Gernet Rogero de Derby Galfrido de Burun Hugone de Birun Simone et Iohanne clericis et multis aliis