Charter Document - 05630433
| Charter Number: | 05630433 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1230 |
| Date type: | Assigned |
| Resource Link(s): |
|
Charter:
Hec est convencio facta inter dominum Ranulfum comitem Cestrie et Lincolnie et Rogerum de Mareseye videlicet quod dicti comes et Rogerus tradiderunt domino Radulfo de Bray in equali manu quadraginta marcas argenti et cartam quam dictus Rogerus fecit domino comiti vendicione et dimissione omnium terrarum suarum quas habuit vel habere potuit inter Ribble et Merseye ita scilicet quod idem Rogerus sine dilatione iturus est inter Ribbel et Merseye ad deponendum se de dicta terra et ad faciendum omnes illos qui de ipso ibidem tenuerunt homagia sua facere dicto domino comiti vel fidelitatem eius ballivis loco suo constitutis et etiam ad saisinam de Boultona cum omnibus pertinenciis suis dicto comiti faciendam Quo facto dictus Radulfus de Bray sepedicto comiti cartam iam dictam reddet et eidem Rogero dictas quadraginta marcas Et si contingat quod tenentes de dictis tenuris ad hoc quod predictum est domino comiti faciendum per ipsum Rogerum adesse noluerint sepedictus comes vel ballivi sui ipsos compellent ad hoc faciendum Et dictus Rogerus ad sumptus domini comitis itinerabit una cum ballivis comitis quousque negocium istud secundum quod predictum est fuerit consummatum Et ad maiorem huius rei securitatem uterque illorum presenti scripto more cirographi concepto sigillum suum apposuit Hiis testibus domino Waltero abbate Cestrie domino Willelmo de Vernona iusticiario Cestrie Radulfo de Bray Waltero Dayville Ricardo de Biron Iohanne de Lexintona Simone et Iohanne clericis
Source (click image below to view full size)
