Charter Document - 05630432
| Charter Number: | 05630432 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1230 |
| Date type: | Assigned |
| Resource Link(s): |
|
Charter:
Ranulfus comes Cestrie et Lincolnie omnibus presentibus et futuris presentem cartam inspecturis vel audituris salutem Sciatis me concessisse et hac presenti carta mea confirmasse Nicholao de Delettes Wymingham cum omnibus pertinenciis suis infra villam et extra et unam carucatam terre in Tynebroc cum pertinentiis cum medietate bosci de Alreschaghe et cum communia pasture in Lindwode scilicet ad quindecim averia et ad viginti porcos que Matilda de Venables pro homagio et servicio suo ei dedit habenda et tenenda eidem Nicholao et heredibus suis vel eius assignatis et heredibus assignatorum suorum de dicta Matilda et heredibus suis per servicium dimidii militis dicte Matilde et heredibus suis inde faciendum secundum tenorem carte ipsius Matilde quam idem Nicholaus inde habet Et ad maiorem huius rei securitatem presentem cartam sigillo meo munitam ei habere feci His testibus Willelmo de Vernon Baldwino de Vere Radulfo de Bray Radulfo de Say Henrico de Harang Ricardo de Buron Galfrido de Aplebie Hugone Phiton Walkelino de Arderne Simone et Iohanne clericis et aliis
Source (click image below to view full size)
