Charter Document - 05630431

Hec est amicabilis composicio et pacis reformacio realis et perpetua facta anno gratie millesimo ducentesimo tricesimo secundo apud Bramtonam iuxta Huntindonam in ecclesia die martis proxima post octabas Pentecostes inter dominum Lincolniensem episcopum Hugonem secundum et Simonem priorem et conventum Spaldinge ex una parte et nobilem virum Rannulphum comitem Cestrie et Lincolnie et Constancium abbatem et conventum monasterii sancti Nicholai Andegavis ex altera sub hac forma videlicet quod salvo iure plene integre et in perpetuum predicto nobili et successoribus suis quantum ad patronum pertinet et salvo iure episcopali in admissione et institucione priorum Spaldingensium et visitacione eiusdem prioratus et aliis ad episcopum spectantibus integre plene et perpetuo predicto episcopo Lincolniensi et successoribus suis quoad legem diocesanum et iurisdictionis episcopalis et salvo iure predicto abbati et successoribus suis in hiis que spectant ad observanciam regularem et disciplinam monachalem in eodem prioratu salvis etiam iure et possessione prioris Spaldingensis qui nunc est et sibi succedencium ut toto tempore vite sue postquam ab episcopo Lincolniensi fuerint instituti tanquam priores immobiles in spiritualibus et temporalibus et beneficiis conferendis et presentationibus ad illa et recepcione monachorum quoad habitum plenam habeant potestatem non ammovendi absque causa canonica cognita et probata cum dictum prioratum Spaldingensem vacare contigerit petent idem abbas et conventus Spaldingensis vel procurator monacus ad hoc specialis eiusdem abbatis et successorum suorum una cum conventu Spaldingensi ipso abbate tempestive per conventum Spaldingensem ad hoc vocato apud monasterium sancti Nicholai Andegavis a dicto comite vel heredibus suis licenciam eligendi priorem Qua petita eligent dictus abbas et successores sui et conventus Spaldingensis vel procurator monacus ad hoc specialis dicti abbatis et successorum nomine monasterii sancti Nicholai Andegavis et idem conventus Spaldingensis priorem et electionem ipsam cum electo petito assensu dicti comitis vel heredum suorum cum litteris assensum ipsius comitis vel heredum suorem continentibus episcopo Lincolniensi presentabunt Quibus per episcopum examinatis ipse episcopus quod suum est circa electionem ipsam et electum exequetur et cum per dictum episcopum fuerit prior institutus non ammovebitur nisi causa canonica cognita et probata Dictus abbas et successores sui cum opus fuerit aut viderint expedire ad dictum prioratum causa visitacionis faciende pro hiis que sunt ordinis et regule tanquam abbas habens professiones monachorum dicte domus et alia que pertinent ad regularem observantiam in eadem venient cum familla moderata et honesta prout convenit honestati abbatis monasterii memorati Quod si in adventu suo vel modo veniendi vel mora ibidem seu aliis huiusmodi honerosus extiterit vel molestus honus immoderatum in huiusmodi per episcopum Lincolniensem censura ecclesiastica refrenabitur atque corrigetur Porro dictus abbas et successores sui monachos honestos non tarnen ultra quatuor de partibus transmarinis oriundos ad domum Spaldingensem pro mora ibi facienda transmittere poterunt plures alios illuc non missuri quamdiu predicti quatuor ibidem Commorentur Qui cum venerint vivant regulariter sub iugo discipline et prioris Spaldingensis cum conventu eiusdem ita tamen quod cum necesse fuerit pro negociis eiusdem abbatis in Anglia expediendis petita prius licentia a priore Spaldingensi liceat eis ire et redire in expensis abbatis scilicet si alicui vel aliquibus ipsorum quatuor idem abbas vel successores sui administracionem negociorum suorum committere voluerint Hoc etiam adiecto ut si tempore visitacionis memorate preter predictos quatuor dictus abbas vel successores sui aliquem vel aliquos ex causa rationabili vera et expressa in capitulo Spaldingensi decreverint ammovendum vel ammovendos alius vel alii per ipsum abbatem et successores suos loco eius vel eorum subrogetur vel subrogentur In eius vel eorum tamen ammocione et alterius vel aliorum subrogacione si proprio motu abbatis vel instigacione monachorum seu aliorum queratur color vel causa confingatur huiuscemodi correctio et cohercio in episcopi Lincolniensis maneat potestate salvo iure dicti comitis et heredum suorum Verum noviciorum tempore huius composicionis et pacis reformacionis de eadem prioratu existencium recepit idem abbas apud Spaldingas hac vice professiones salvo sibi iure in posterum et successoribus suis recipiendi eas in ecclesia sua Andegavensi nisi professuris gratiam facere velint quod eorum professiones admittantur in Anglia ita tamen quod nec per istam nec per aliam gratiam recipiendi professiones ipsi abbati vel successoribus suis preiudicium generetur in posterum quin in dicto monasterio Andegavensi novicii Spaldingenses professiones suas faciant ipsi abbati et successoribus suis cum ipsi abbates voluerint Ad quas Andegavis faciendas venient bini in tercio vel quarto conversionis sue anno ad mandatum abbatis libere ituri et redituri absque difficultate impedimento et contradictione abbatis vel monachorum Andegavensium quando ipsi professi volent In cuius rei testimonium huic composicioni et pacis reformacioni signa dictorum episcopi et comitis necnon abbatis et prioris habendum a conventibus suis de componendo et pacificando mandatum speciale vice mutua sunt appensa quorum abbatis et prioris procurationes insinuate in ede sacra scilicet in custodia prioris sancti Eadmundi sunt deposite donec littere de rato speciales a dictis conventibus emanaverint Est autem presens scriptum quadripartitum cuius una pars resedit penes dominum Lincolniensem episcopum alia penes dominum comitem Cestrie et Lincolnie tertia penes abbatem et conventum Andegavienses quarta penes priorem et conventum Spaldingenses et unicuique tria sigilla apponuntur Hiis testibus Roberto Lincolniensi Iohanne Norhamptonie et Gileberto Huntindonie archidiaconis Radulfo de Warvilla magistro Waltero de Werministre Willelmo de Winchecumba et Thoma de Askeby canonicis Lincolniensibus Rogero tunc priore Thoma de Norfolk et Henrico monachis beati Petri de Burgo Radulfo de Ely et Thoma de Graingham monachis Spaldingensibus domino Radulfo de Bray Petro de Bramptona Elya de Hayles et Ada de Welles capellanis magistris Simone de Wautona Iohanne de Histona Willelmo de sancto Brioco Ricardo de sancta Cruce Thoma de Stede Roberto de Gravele Alexandro de Standfordia Iohanne Maunselle et multis aliis