Charter Document - 05630427
| Charter Number: | 05630427 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1229 - 1232 |
| Date type: | Assigned |
| Resource Link(s): |
|
Charter:
Omnibus Christi fidelibus presens scriptum visuris vel audituris Ranulfus comes Cestrie et Lincolnie salutem Noverit universitas vestra me divine pietatis intuitu et pro salute anime mee et pro salute animarum comitis H patris mei et Bertree comitisse matris mee et antecessorum meorum remisisse et quiete clamasse de me et heredibus meis in perpetuum in puram et perpetuam elemosinam Deo et beate Marie et sancto Nicholao et priori et conventui Spaldinge consuetudinem annuam quam a predicto priore et conventu exigere solebam scilicet perhendinacionem per tres quarentenas in anno in domo de Spaldinge ad custum dicte domus ita quod ego nec heredes mei nec aliquis alius occasione mei vel heredum meorum aliquid de consuetudine vel occasione dicte consuetudinis in predicta domo de cetero exigere poterimus Et ut hec mea remissio et quieta clamacio perpetuitatis robur optineant presentem paginam sigilli mei apposicione roboravi Hiis testibus domino Waltero abbate Cestrie Willelmo de Vernoun iusticiario Cestrie Fulcone filio Warini Philippo de Orrebi Ricardo Fitoun Iohanne de Athia Iohanne clerico et aliis
Source (click image below to view full size)
