Charter Document - 05630417

Sciant presentes et futuri quod ita convenit inter homines de Frestona et de Butterwyke scilicet Willelmum filium Hervici Alanum filium Roberti Ricardum filium Willelmi Radulfum filium Thome David de Rupe Radulfum filium Gilberti Ranulphum filium Willelmi Willelmum filium Aylwini Ricardum filium Elwyni Willelmum Herre Willelmum filium Wydonis Reginaldum de Rupe Willelmum filium Thome Hugonem de Willueby Willelmum filium Malgeri Antonium filium Alani Iacobum filium Thome Hervicum filium Haraldi Baldricum filium Rogeri Ricardum filium Iohannis Hubertum cappentarium Adam cambrarium Eudonem filium Reginaldi Willelmum filium Hobbe Iordanum filium Warned Wydonem filium Walteri Thomam filium Hugonis Clementem filium Walteri Iohannem filium Hugonis Galfridum Ruffum Willelmum de Ponte Radulfum filium Godrici Alanum Kyte Ricardum Galle Robertum filium Leverici Iohannem filium Arlildi Mabillam que fuit uxor Malgeri Thomam filium Ade Willelmum Westrensem Iohannem filium Willelmi Iohannem filium Abrahe Reginaldum filium Gudonis Rogerum filium Alardi Martinum filium Galfridi Radulfum filium Hervici Rogerum fabrum Iohannem filium Emme Warinum de Rapedic Gilbertum de Fenna Hubertum de Rypa Willelmum filium Stephani Ricardum filium Heyne Alanum Herre Reginaldum filium Gudonis et Willelmum Lamb petentes communam pasture in Westfen ex una parte et Ranulphum comitem Cestrie et Lincolnie tenentem ex altera parte scilicet quod predicti homines de Frestona et de Butterwyke concesserunt et pro se et heredibus suis quietum clamaverunt dicto Ranulpho comiti Cestrie et Lincolnie totum ius suum et clamium quod habuerunt in quingentis acris terre in eodem marisco cum pertinenciis mensuratis per percam viginti pedum et quod predicte quingente acre terre clauduntur fossatis de latitudine et profunditate ad placitum suum ita quod predicte quingente acre terre plenarie sint contente infra dicta fossata fossatis non computatis domino comiti infra predictas quingentas acras terre ita scilicet quod habeatur inter fossata predicte terre et aquam de Wyma ex una parte et inter fossata dicte terre et maram que appellatur Phylnorthemere ex altera parte quedam via in latitudine sexdecim percarum mensuratarum per percam viginti pedum Concesserunt eciam et quiete clamaverunt predicti homines de Frestona et de Butterwyke dicto Ranulpho comiti Cestrie et Lincolnie et heredibus suis totum ius suum et clamium quod habuerunt in placea que iacet inter fossatum de Stiwordcroft et fossatum monachorum de Revesby que clausa est per fossatum inter dicta duo fossata versus occidentem ita quod predicte quingente acre terre et predicta placea quiete remaneant inperpetuum domino comiti et heredibus suis de omni demanda tam de communa quam de aliis Et pro hac concessione concessit dominus comes pro se et heredibus suis quod predicti homines de Frestona et de Butterwyk habeant communam pasture ad averia sua propria de predictis villis et turbarie et falcarie sicut habere consueverunt in marisco appellato Westfen ad estoveria sua in predictis villis cum libero introitu et exitu faciendo ei servicium quod facere consueverunt scilicet de quolibet homine domum tenente ubi ignis ardet duos denarios in die sancti Martini reddendos servienti domini comitis in predictis villis pro omnibus serviciis et exactionibus Concessit eciam predictus dominus comes pro se et heredibus suis quod si aliquod averiorum predictorum hominum de Frestona et de Butterwyke venerit infra dictas quingentas acras terre vel infra dictam placeam inter fossatum de Stiwordecroft et fossatum monachorum de Revesby sine occasione deponatur et non imparcetur Et ad maiorem huius rei securitatem huic scripto facto in modum cirographi dicti homines de Freston et de Butterwyke sigilla sua apposuerunt et alteri parti huius scripti facti in modum cirographi apposuit dominus comes Cestrie et Lincolnie sigillum suum Hiis testibus Gilberto de Gant Willelmo de Albeniaco Thoma de Muletona Philippo de Kyma Willelmo de Welle Stephano de Setgrave Radulfo de Bray Willelmo de Vernun Iordano de Gysseby Gilberto Cusin Willelmo de Wyllueby et Alexandro de Hybbetoft