Charter Document - 05630411
| Charter Number: | 05630411 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1222 |
| Date type: | Assigned |
| Resource Link(s): |
|
Charter:
Hec est convencio facta inter dominum Rannulphum comitem Cestrie et Lincolnie et dominum Lewelinum principem Norwallie videlicet quod Iohannes de Scotia nepos predicti comitis de sorore sua primogenita ducet in uxorem Helenam fillam ipsius Lewelini ita quod dictus Lewelinus dabit dicto Iohanni in liberum maritagium totum manerium de Budiford in Warewikisira et manerium de Sutthele in comitatu Wigornie cum omnibus pertinenciis suis sicut dominus rex Iohannes ea illi dedit in liberum maritagium et totum manerium de Welintona in comitatu Salopesbirie cum omnibus pertinenciis suis infra villam et extra habenda et tenenda dicto Iohanni et heredibus suis ex dicta Helena provenientibus sicut idem Lewelinus ea aliquo tempore melius et integrius tenuit Et preterea dabit eidem Iohanni mille marcas argenti ita quod die desponsacionis scilicet in octavo assumpcionis beate Marie faciet dominus Lewelinus memorato Iohanni plenarium seisinam dictorum maneriorum cum omnibus ad ea pertinentibus et cum omnibus munimentis que dominus Lewelinus habet de dictis maneriis tam de domino rege quam de aliis et nihilominus eodem die cartam suam et cartam domine Iohanne uxoris sue eidem Iohanni habere faciet et eodem die ei solvet quingentas marcas argenti et alias quingentas marcas solvet ei in festo sancti Michaelis proximo sequenti Et si forte contigerit quod dominus Lewelinus propter calumpniam heredum Thome de Erdintona vel alio casu manerium de Welintona predictis Iohanni et Helene uxori sue et illorum heredibus guarantizare nequiverit dominus Lewelinus faciet eis racionabile et competens escambium in comitatu Salopesberie nisi forte dominus Rannulphus comes Cestrie et Lincolnie prece vel pecunia possit illorum calumpniam pacificare et tunc quicquid ad pacificandam dictam calumpniam idem comes erogaverit dictus Lewelinus solvet illud plenaria Dictus vero Iohannes dicto desponsacionis die assignabit dicte Helene nomine dotis centum libratas terre et si forte aliquis casus contigerit quod dicti comes et Lewelinus ad predictum diem desponsacionis faciende interesse nequiverint nihilominus alio die per eorundem comune consilium statuendo fiat desponsacio Et hanc convencionem firmiter et bona fide tenendam Iohannes de Scotia et Helena in manu domini Reineri episcopi de sancto Asaph affidarunt et dominus comes supradictus et Lewelinus eam iuramentis suis et sigillis suis una cum multis de eorundem fidelibus confirmarunt Testibus domino Reinero episcopo de sancto Asaph domino Hugo abbate Cestrie domino Hugone de Lasci comite Ultonie Philippo de Orrebi iusticiario Cestrie Henrico de Aldidele Gualtero de Daivilla Ricardo Phiton Edeneuet Vaghan Ennion filio Righerit Goronou filio Edeneuet Heilin filio Keuret Heilin filio Idhit magistro Estruit magistro Ada David clerico Lewelini magistro Hugone et Simone clericis domini comitis et multis aliis
Source (click image below to view full size)
