Charter Document - 05630400
| Charter Number: | 05630400 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1217 - 1229 |
| Date type: | Assigned |
| Resource Link(s): |
|
Charter:
Ranulfus comes Cestrie et Lincolnie omnibus presentibus et futuris presentem cartam inspecturis et audituris salutem Sciatis me concessisse et dedisse et hac presenti carta mea confirmasse Roberto filio Salamonis in escambium totius feodi sui quod habuit in coquina mea viginti solidos de redditu annuo in molendino meo de Darnhale percipiendos illi et heredibus suis de me et heredibus meis per manus firmariorum meorum vel illorum qui molendinum illud tenebunt ad quatuor terminos anni scilicet ad festum sancti Michaelis quinque solidos ad Natale Domini quinque solidos ad Pascha quinque solidos et in festo nativitatis sancti Iohannis Baptiste quinque solidos Preterea dedi et concessi eidem Roberto et heredibus suis quietanciam hundredi de Edesbury et puture servientum meorum illi et heredibus suis et omnibus hominibus suis in terra sua de Tevertona manentibus Et pro hac donacione et concessione mea predictus Robertus remisit et quietum clamavit inperpetuum de se et heredibus suis totum iamdictum feodum suum quod habuit in coquina mea ita quod nec ipse nec heredes eius in predicto feodo aliquid iuris vel clamei exigere vel clamare poterint Dedi etiam et concessi et hac presenti carta mea confirmavi eidem Roberto et heredibus suis Wythintonam cum omnibus pertinenciis et libertatibus suis et in molendino meo de Macclesfeld viginti solidos annuatim percipiendos quousque illi assignavero viginti solidos in terra et preterea totam terram quam pater suus et avus suus tenuerunt in Golgisby in Lyndeseya cum pertinenciis suis tenendas et habendas illi et heredibus suis de me et heredibus meis libere quiete plene et hereditarie reddendo inde annuatim mihi et heredibus meis de se et heredibus suis quedam calcaria deaurata vel quatuor denarios ad festum sancti Iohannis Baptiste pro omnibus serviciis et exactionibus mihi et heredibus meis de predictis terris pertinentibus Et pro hac concessione et donacione mea idem Robertus remisit et quietam clamavit mihi et heredibus meis de se et heredibus suis totam terram quam pater et avus suus de me tenuerunt in Normannia scilicet in Tessy et Aubigneium ita quod nec ipse nec heredes eius in predicta terra aliquid iuris vel clamei exigere vel vendicare poterunt Hiis testibus Iohanne constabulario Cestrie Philippo de Orreby iusticiario Cestrie Rogero dapifero Cestrie Warino de Vernoun Willelmo de Venables Hamone de Mascy Rogero de Maynwarin Iohanne filio Philippi Willelmo filio David Radulfo filio Simonis et aliis
Source (click image below to view full size)
