Charter Document - 05630392
| Charter Number: | 05630392 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin |
| Charter Origin: | Lay |
| Charter Type(s): | Decree |
| Date: | 1229 - 1232 |
| Date type: | Assigned |
| Resource Link(s): |
|
Charter:
Universis sancte matris ecclesie filiis presentibus et futuris presentem cartam inspecturis vel audituris Ranulfus comes Cestrie et Lincolnie salutem in domino Sciatis me dedisse Deo et sancte Marie de Deulacresse et monachis ibidem Deo servientibus cor meum post obitum meum ibidem sepeliendum ubicumque corpus meum sepeliri contigerit Quare volo et firmiter precipio quod ubicumque vitam meam finiri contigerit aut ubicumque corpus meum tumulatum fuerit quod heredes mei et homines mei cor meum ad abbatiam meam de Deulacresse quam ego ipse fundavi absque omni impedimento et contradictione asportent condendum ibidem Et ne hac mea donatio irritari valeat imposterum seu impediri ego eam hac carta mea et sigilli mei apposicione roboravi His testibus W abbate Cestrie Edmundo abbate Gerevallis Willelmo de Vernun tunc iusticiario Cestrie Ricardo Fiton Radulfo de Bray Ricardo Byrun Iohanne de Laxington Simone clerico Ricardo de Arden et multis aliis
Source (click image below to view full size)
