Charter Document - 05630390
| Charter Number: | 05630390 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1229 - 1232 |
| Date type: | Assigned |
| Resource Link(s): |
|
Charter:
Universis sancte matris ecclesie filiis presentibus et futuris presentem cartam inspecturis vel audituris Ranulfus comes Cestrie et Lincolnie salutem Sciatis nos concessisse et dedisse et hac presenti carta nostra confirmasse Deo et beate Marie et abbatie nostre de Deulacres et monachis ibidem Deo servientibus pro salute anime mee et antecessorum et successorum meorum Gonedunam et Wethwode cum toto bosco et plano et pastura per has divisas scilicet per rivum qui currit in parte occidentali iuxta Horlapeltrolee usque in Fulee et de Fulee ascendendo usque ad Wildboarsegreave per rivum descendentem inde iuxta Snichmylee usque ad Trussewey que est divisa ville de Heytone et ita de Trussewey per cheminum de Gunedun in longum usque ad predictum rivum iuxta Horlapoltrole Has vero predictas terras cum bosco et plano et pastura infra predictas divisas contentas concessimus et dedimus predicte abbatie nostre de Deulacres et dictis monachis in puram et liberam et perpetuam elemosinam de nobis et heredibus nostris in perpetuum tenendas cum omnibus aisiamentis que ibi sunt vel fieri possunt in perpetuum defensum eis habendum ita quod nullus cum eis nisi per illos ibi aliquam habeant communiam salvis nobis et heredibus nostris venacionem spervariis si tamen ibi fuerint per custodiam forestariorum de Deulacres ita quod forestarii nostri nihil omnino se intromittant Preterea concessimus dicte abbatie nostre de Deulacres et dictis monachis nostris in perpetuum communem pasturam totius Gonedone versus partes australes et insuper communem pasturam inter Merebroc et rivum qui currit de Gonedone descendendo usque in Fulee et in aliis locis ubi homines nostri communicant ita quod homines nostri et monachi nostri communes pasturas in communi habeant Hiis testibus Willelmo de Ferariis comite Derbeye Iohanne comite de Huntedune Iohanne constabulario Cestrie Willelmo de Cantelupo Willelmo de Vernun tunc iusticiario Cestrie Baldewino de Ver Waltero de Deyvilla Radulfo de Bray Ricardo de Burun Ricardo de Arderne et aliis
Source (click image below to view full size)
