Charter Document - 05630374

Ranulfus comes Cestrie constabulario dapifero iusticiario vic[ecomiti] baronibus militibus ballivis et omnibus fidelibus presentibus et futuris presentem cartam inspecturis et audituris salutem Sciatis me dedisse concessisse et hac presenti carta mea confirmasse Iohanni de Arderne militi meo pro homagio et servitio suo totum feudum de Audeforde cum omnibus pertinentiis suis cum sok et sak tholl et them et infangtheif et outfangtheif et cum libertate duelli habendi in curia sua et cum iuisio ignis et agne et cum omnibus libertatibus et aisiamentis infra villam et extra villam et cum advocatione ecclesiarum et capellarum et cum omnibus predicto feodo de Audeforde pertinentibus scilicet cum serviciis consuetudinibus et demandis mihi et heredibus meis pertinentibus videlicet in putura servientium suorum per totum feodum de Audeforde quam scilicet puturam de eodem feodo habui pro servientibus meis et cum clausura haie quam scilicet clausuram de predicto feodo de Audeforde habui ad haiam meam de Macclesfelde claudendam et cum scirevestothe stretewarde revegelde frithmote et cum tolneto dee toto feodo de Audeforde cum pertinentiis per totam Cestrescire tam infra nundinas quam extra habendum et tenendum sibi et heredibus suis vel suis assignatis de me et heredibus meis in feodo et hereditate libere et quiete plene et pacifice hereditarie et integre in bosco in plano in pratis in pascuis in viis in semitis in aquis in stagnis in molendinis vivariis in piscariis in moris in mariscis in turbariis in feodis militum et liberorum hominum in dominicis in nativis et in omnibus serviciis consuetudinibus et demandis predicto feodo de Audeforde pertinentibus Concessi etiam eidem Iohanni de Arderne et heredibus suis sive eius assignatis ut teneant predictum feodum de Audeforde cum pertinenciis de me et heredibus meis liberum et quietum de secte comitatus et hundredorum et de wichemot et de auxilio vicecomitis et de assissis et superassissis et summonicionibus et de secta placitorum foreste et de omnibus placitis et querelis mihi et heredibus meis pertinentibus exceptis tantum placitis ad gladium meum pertinentibus faciendo inde de se et heredibus suis vel assignatis suis mihi et heredibus meis servicium duorum feodorum militum infra divisas Cestrisirie pro omnibus serviciis exactionibus et demandis mihi et heredibus meis pertinentibus Et ego Ranulfus et heredes mei prefato Iohanni de Arderne et heredibus suis vel assignatis suis dictum feodum de Audeforde cum pertinenciis et cum libertatibus prenominatis contra omnes homines et feminas warantizabimus Hiis testibus Philippo de Orrebie tunc iusticiario meo Rogero de Monte Alto senescallo meo Henrico de Audelegh Warino de Vernon Willelmo de Venables Hamone de Mascy Rogero de Meingarin Roberto Patrie Waltero de Deyvilla Petro clerico meo Hugone Thoma Henrico Roberto et Galfrido dispensariis