Charter Document - 05630371
| Charter Number: | 05630371 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1208 - 1215 |
| Date type: | Assigned |
| Resource Link(s): |
|
Charter:
Rannulfus comes Cestrie constabulario suo et dapifero iusticiario vicecomiti baronibus ballivis et ministris suis omnibus et omnibus hominibus suis tam futuris quam presentibus salutem Notum sit vobis omnibus me concessisse et hac carta mea confirmasse burgensibus meis in burgo de Frodesham manentibus et mansuris quod unusquisque illorum habeat unum liberum burgagium in eodem burgo et unam acram terre in campis reddendo inde annuatim duodecim denarios pro omni servicio Concedo eciam eisdem burgensibus quietanciam de tolneio per totam terram meam tam per aquam quam per terram nisi de sale tantum et quod pro nullo placito exeant foras de burgo ipso nisi pro placitis ad gladium meum pertinentibus et de omnibus aliis placitis iudicabuntur in ipso burgo per prepositum meum et per vicinos suos Et si aliquis eorum inciderit in misericordiam meam pro aliquo forisfacto inter illos iudicato quietus erit de misericordia illa per duodecim denarios excepta forisfactura a nona diei sabbati usque ad horam primam diei lune de qua scilicet forisfactura mihi contingunt sexaginta solidi et obolus aureus Concessi eciam memoratis burgensibus pasturam pecoribus suis in foresta mea et in marisco meo et in omnibus locis in quibus liberi homines mei pasturam habent et quod habeant de foresta mea quod eis opus fuerit ad edificandum per visum forestariorum meorum Quare volo et firmiter precipio quod predicti burgenses et eorum heredes hec predicta habeant et teneant de me et heredibus meis libere et quiete et pacifice et plenarie salvis mihi et heredibus meis pasnagio meo et sequela molendinorum meorum et furni mei Et precipio omnibus ballivis meis et ministris quod predictos burgenses meos custodiant et protegant et manuteneant in predictis libertatibus et liberis consuetudinibus et quod nullus eos super hiis vexare aut disturbare presumat super forisfacturam decem librarum Hiis testibus Philippo de Orrebi iusticiario Cestrie Harsculfo de Salingneio Iohanne de Pratellis Thoma Paganello Petro clerico Ricardo de Perrepunt vicecomite Cestrie Thoma camerario Cestrie Alexandra filio Radulfi Josceramo de Hellesby et multis aliis apud Cestriam
Source (click image below to view full size)
