Charter Document - 05630359
| Charter Number: | 05630359 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1215 - 1216 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis presentibus et futuris presentem cartam inspecturis et audituris Rannulfus comes Cestrie eternam in domino salutem Noverit universitas vestra me mere pietatis intuitu et pro salute anime mee et pro animabus antecessorum meorum et successorum quantum ad patronum pertinet dedisse et concessisse et presenti carta mea confirmasse Radulfo de Vernona clerico meo ecclesiam de Kagworthia totam cum omnibus pertinenciis et libertatibus suis habendam et tenendam in puram et perpetuam elemosinam unam scilicet medietatem racione custodie Willelmi Patricii pueri in custodia mea tunc existentis et alteram medietatem ad quam Thomas Patricius admissus fuit et institutus ad presentationem Roberti de Nevilla et Matillidis de Spuz uxoris sue cuius etiam medietatis ius patronatus predicti Roberti et Matildis mihi et heredibus meis de se et de heredibus suis cum feudis militum ad eos pertinentibus in curia mea apud Cestriam in perpetuum remiserunt et quietum clamaverunt Et ut hec mea concessio perpetue firmitatis robur optineat eam presenti scripto et sigillo meo corroboravi Hiis testibus domino H abbate Cestrie domino R abbate de Deulecresse Philippo de Orrebi tunc iusticiario meo Henrico de Aldithlea Willelmo de Venables Hugone dispensario Thoma dispensario Iohanne de Arderna Waltero de Daivilla Aluredo de Sulingni Hamone de Masci Rogero et Rannulfo de Meisnilwarin Petro clerico meo Jocelino capellano meo Willelmo clerico meo magistro Hugone clerico meo Ricardo de Roudestorne clerico Patricio et Simone clericis magistro Simone de Cestria persona de Dunintona Hugone capellano et multis aliis
Source (click image below to view full size)
