Charter Document - 05630358
| Charter Number: | 05630358 |
|---|---|
| Cartulary Title: | The Charters of the Anglo-Norman Earls of Chester, C. 1071-1237 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1208 - 1214 |
| Date type: | Assigned |
| Resource Link(s): |
|
Charter:
Rannulfus comes Cestrie omnibus tam presentibus quam futuris ad quos presens scriptum pervenerit salutem Notum sit vobis me concessisse et dedisse Stephano de Segrave pro homagio et servicio suo totam terram quam habui in villa de Cagwurth de feodo Roberti filii Nigelli scilicet servicium octo virgatarum terre in eadem villa cum homagiis et serviciis liberum tenencium de eodem feodo et quicquid habui in campo de Langleia cum omnibus pertinenciis eiusdem terre in bosco et in plano et in omnibus aliis locis excepta advocatione ecclesie quam mihi retineo Et hec omnia predicta dedi et concessi predicto Stephano habenda et tenenda sibi et heredibus suis de me et de heredibus meis libere et quiete ab omnibus serviciis faciendo forinsecum servicium quod ad predictam terram pertinet scilicet quod quando feodum militis reddit viginti solidos de scutagio tunc reddet ipse de predicta terra tres solidos Et ut hec donatio mea firma permaneat et stabilis eam presenti scripto et sigillo meo confirmavi Hiis testibus Philippo de Orreby tunc iusticiario Cestrie Hugone dispensario Waltero de Dayvilla Roberto Patrie Aluredo de Soleigneio Thoma de Tuschet Roberto de Hardreshulle Henrico de Cagwurth Roberto Samsone et multis aliis
Source (click image below to view full size)
