Charter Document - 05630349

Ranulphus comes Cestrie omnibus tam futuris quam presentibus ad quos presens scriptum pervenerit salutem Notum sit vobis me dedisse et concessisse et presenti carta mea confirmasse liberis burgensibus meis manentibus in burgo meo de Lech has libertates subscriptas scilicet quod quilibet predictorum burgensium habeat dimidiam acram terre ad mansuram suam et unam acram in campis et in foresta mea de Lech maeremium ad edificia sua et boscum ad focum suum per visum forestariorum meorum et pasturam communem ad omne genus pecudum in pastura ad manerium meum de Lech pertinente Et quod predicti burgenses mei de Lech per totum Cestrisiram sint liberi et quieti de tolneio in aquis in villis et in omnibus locis et etiam in civitate Cestrie de omnibus marchandisis excepto sale in Wychis Et quod quieti sint de pasnagio per totam communam manerii mei de Lech et quod blada sua ad molendina mea molant statim post illud quod erit in tremina et ad vicesimum granum Et quod omnes qui ad forum et ad nundinas predicti burgi mei convenerint quieti sint per idem tolneium quod in aliis liberis mercatis datur in comitatu Staffordie Et burgenses predicti per primos tres annos quieti erunt de firma et post tres annos elapsos reddet quilibet eorum duodecim denarios de firma per annum pro omni servicio mihi pertinente et quietus erit de omni misericordia que ad predictam villam pertinet pro duodecim denariis Et predicti burgenses per semetipsos prepositum sibi facient per assensum et consilium meum aut ballivi mei Et liceat cuilibet burgensi burgagium suum dare aut vendere cuicumque voluerit nisi religioni salvo tolneio scilicet quatuor denariis et salvo redditu meo Et volo quod predicti burgenses mei sint tam liberi ut sunt liberiores burgenses de aliquo burgo de Staffordesiria Hiis testibus Philippo de Orreby tune iusticiario meo Henrico de Aldytheleghe Warino de Vernon Willelmo de Venables Hamone de Masci Petro clerico Liulpho vicecomite Ricardo Phiton et multis aliis